Алматыда футзалдан әлем чемпионаты өтпек. Фото: ММК.

Тамыздың 19-26 аралығында Алматы қаласында алғаш рет студенттер арасында футзалдан Әлем чемпионаты өтеді. 17 мемлекеттен жиналған  25 команда Halyk arena  және «Алматы Арена» спорт кешенінде бақ сынасады.

Еліміз 2015 жылы қазан айында  студенттер арасындағы футзалдан 2018 жылғы әлем чемпионатын өткізу құқығын жеңіп алған болатын. Бұл дүбірлі дода ТМД елдері арасында алғаш рет Қазақстанда өткелі отыр.

Халықаралық бәсеке Қазақстан Республикасының Студенттік спорт федерациясы және Ұлттық студенттік лигасының ұйымдастыруында өткелі отыр. Ұйымдастыру комитетінің құрамына ҚР Білім және ғылым министрлігі, ҚР Мәдениет және спорт министрлігі мен Алматы қаласының әкімдігі кіріп отыр.

Чемпионаттың ашылуы 19 тамыз күні  сағат 12:00-де. Қала тұрғындары мен қонақтарына кіру тегеін.

“The Qazaq Times”