Энергетика министрлігі АИ-80 маркалы жанармай бағасын еркін айналымға жіберуді жоспарлап отыр. Үкімет тиісті шешім қабылдаса, онда отынның бұл түрі де жуырда күрт қымбаттап кетуі бек мүмкін.

Жанармай сататын компаниялар министрліктің бұл шешімін қуана қабылдары анық. Өйткені, бензин бағасы еркін айналымға жіберілсе, онда жекеменшік серіктестіктер жанармайдың бұл түрін өздері қалаған бағада сататын болады.

Қазір Қазақстандағы жанармай құю бекеттерінде АИ-80 бензинінің литрі 89 теңгеге сатылып жатыр. Министрлік бұл баға тым арзан дейді. Сондықтан оның құнын жанармай шығаратын компаниялардың өздері белгілеуі керек деген тоқтамға келіпті.

“The Qazaq Times”