Фото: lci.fr

КХРР басшысы Ким Жоң Ынның АҚШ-пен кездесуге қатысты шешімі арқылы ливиялық лидер Муаммар Қаддафидің тағдырын қайталауы мүмкін. НАТО-ның бас хатшысы Йенс Столтенбергпен болған келіссөзден кейін АҚШ президенті Дональд Трамп осылай мәлімдеді, деп хабарлайды lanouvellerepublique.fr ақпарат агенттігі.

Америка басшысының айтуынша, егер Пхеньян Ақ үй басшылығымен ядролық қаруға байланысты келіссөз жасауға келіспесе, Қаддафидің тағдырын қайталауы мүмкін. «Егер біз екіжақты келісімшартқа қол қойсақ, КХДР басшысы өте-өте риза болады», - деді, Трамп.

Бұдан бұрын Трамп егер КХДР ядролық қарудан бас тартса, Солтүстік Корея мен оның лидері Ким Жоң Ынға қорғауға дайын екенін мәлімдеген еді.

“The Qazaq Times”