Израиль қарулы күштеріне қарасты танктер. Фото: RT.com.

Израиль қарулы күштері Газа аймағында қарулы шабуыл жасады. Танкпен жасалған шабуыл Газадағы Хамас ұйымына қарасты тұрақтарға бағытталған. Бұл туралы «Анадолы» ақпарат агенттігі хабарлады.

Аталған шабуыл туралы Израиль қарулы күштері жазбаша мәлімдеме жасаған. Мәліметте: «Газа секторындағы Хамасқа тиесілі екі күзет мұнарасына танкпен шабуыл жасалды. Қарулы операция екі палестиналық азаматтың өңірдегі Израиль шекарасына жақын маңда Израиль армиясының шекара қауіпсіздік, инфрақұрылымын бүлдіруге әрекеттенгені үшін жасалды», – делінген.

Дегенмен, екі палестиналық азаматтың Израиль шекарасын бұзғаны және шекара қауіпсіздігіне қатер төндіру мақсатында әрекет еткені туралы анық мәлімет бермеген. Хамас тарабы бұл шабуыл туралы мәлімет таратпады.  

“The Qazaq Times”