Бүгін түстен кейін Астана вокзалында оқыс оқиға орын алды. Оқиға куәгерінің айтуынша, қатты жел мен үйілген қар салмағының әсерінен перрондағы алып арқалық құлап, бірінші жолда тұрған №376 Астана- Лениногорск пойызының үстіне құлаған деп хабарлайды tengrinews.kz куәгерлердің мәліметіне сілтеме жасап.

Құрылыстың құлап түскен арқалыңқ темірі 40 шаршы метрді құрайды. Оқиғадан зардап шеккен адам жоқ. Пойыз вагондары мен темір жол жүйесіне зақым келмеген. Тек, жағдайға байланысты Астана вокзал жұмысына, пойыз қатынасына кері әсері тиді деп мәлімдейді ҚТЖ компаниясы.

Еске сала кетсек, Төтенше жағдайлар департаменті Астанада 25-нен 26-сына қарған түні қатты дауыл болатынын ескерткен. Соған орай, 1-9 сыныптардың оқуы тоқтатылды.

“The Qazaq Times”