Алматы қаласы Саялы ықшам ауданы 204-мектепте орналасқан N616 сайлау учаскесінің төрт мүшесі бірдей алдына сайлаушы жоқтығына қарамай көптеген бюллетеньге қол қойып жатқанын көрген. Бұл туралы «Тәуелсіз бақылаушылар» ұйымының байқаушысы Нұрлан Майғазиев видеоға түсіріп алған. Ол The Qazaq Times тілшісіне растады.

«Сайлау турал» конституциялық заңның 41-бабы («Дауыс берудi ұйымдастыру») 5-бөлігі бойынша, «комиссияның бюллетеньдi берген мүшесi оларға өзiнiң қолын қояды, сондай-ақ бюллетеньдi алған сайлаушының тiзiмдегi тегiнiң тұсына қол қояды». Бақылаушылар заңның осы талабы өрескел бұзылды дейді.