سەيسەنبىدە، بريتان ءسىم باسشىسى رااب ۇلىبريتانيا 2022 جىلى بەيجىڭدە وتەتىن قىسقى وليمپيادا ويىندارىنا بويكوت جاريالاۋى مۇمكىن ەكەنىن مالىمدەگەن ەدى. ال، كەشە بريتان پارلامەنتىنىڭ دەپۋتاتى بيلىكتى بەيجىڭ ساياساتىنا بايلانىستى مالىمدەمە جاساۋعا شاقىردى. وندا قىتايدىڭ 2022 جىلعى قىسقى وليمپيادا ويىندارىنا بايكوت جاريالاۋ ۇسىنىسى دا بار. 

ۇلىبريتانيا كونسەرۆاتيۆتى پارتياسىنىڭ مۇشەسى سەر ياين دۋنكان سميت (Sir Iain Duncan Smith) بەيجىڭنىڭ شىڭجاڭ، تيبەت جانە گونكونگ ساياساتىنا بايلانىستى ۇلىبريتانيا ۇكىمەتىن قىتايعا قارسى قاتاڭ ۇستانىم ۇستانۋعا شاقىردى. ول قىتاي كوممۋنيستىك پارتياسىنىڭ وكىلدەرىنە سانكتسيا سالۋدى ۇسىنۋمەن قاتار، 2022 جىلعى قىسقى وليمپيادا ويىندارىنا قاتىستى ۇستانىمىن اشىق بىلدىرۋگە شاقىرعان.

ال سىرتقى ىستەر ءمينيسترى رااب قىتايدا ادام قۇقىقتارىنىڭ بۇزىلۋىنا بايلانىستى، قكپ شەنەۋنىكتەرىنە ەكونوميكالىق سانكتسيالار قاراستىرىپ جاتقانىن ايتتى.

سونمەن قاتار، اقش سەناتورى سكوتت دا حالىقارالىق وليمپيادا كوميتەتىن قىسقى وليمپيادا ويىندارىنىڭ قىتايدا وتۋىنە جول بەرمەۋگە شاقىرعان. بۇنداي ۇسىنىستى ادام قۇقىعىن قورعايتىن 140 تان استام ۇيىم وك پرەزيدەنتتىنە  بىرلەسكەن حات ارقىلى جولداعان.

قىتايدىڭ شىڭجاڭداعى از ۇلتتارعا كورسەتكەن قىسىمى حالىقارالىق قوعامداستىقتىڭ نازارىن اۋدارىپ. سەيسەنبىدە 39 ەل بۇۇ باس اسسامبلەياسىندا بەيجىڭدى ادام قۇقىعىن بۇزعانى ءۇشىن بىرلەسە سىنعا الىپ، تاۋەلسىز تەرگەۋگە شاقىردى.

"The Qazaq Times"