2017 جىلدىڭ قاڭتار-شىلدە ايىندا قازاقستان 353,2 ملن دوللارعا 2,2 ملن توننا بيداي ەكسپورتتاعان. 

بۇل كورسەتكىش 2016 جىلدىڭ سايكەس كەزەڭىمەن سالىستىرعاندا توننا بويىنشا 13,1%-عا، اقشالاي تۇردە 12,9%-عا تومەندەگەن.

بيداي مەن مەسليندەردىڭ ەڭ كوپ مولشەرى وزبەكستانعا (102,4 ملن دوللارعا 870,7 مىڭ توننا), تاجىكستانعا (86 ملن دوللارعا 529,8 مىڭ توننا) جەتكىزىلگەن. ال قىتايعا 37,6 ملن دوللارعا 207,3 مىڭ توننا، اۋعانستانعا 23,6 ملن دوللارعا 145,6 مىڭ توننا، قىرعىزستانعا 22,2 ملن تەڭگەگە 126,1 مىڭ توننا ءونىم ساتىلعان.

وسى كەزەڭدە 247,1 ملن دوللارعا 1,2 ملن توننا ۇن جەتكىزىلىپ، نەگىزگى ساتىپ الۋشى اۋعانستان بولعان. اتالعان ەل 172,6 ملن دوللارعا 800,4 مىڭ توننا ۇن ساتىپ العان.

سونداي-اق، وزبەكستانعا 56,1 ملن دوللارعا 315,5 مىڭ توننا، تاجىكستانعا 6,1 ملن دوللارعا 29 مىڭ توننا، تۇركىمەنستانعا 5 ملن دوللارعا 17 مىڭ توننا ۇن جەتكىزىلگەن.

“The Qazaq Times”