مەملەكەتتىك دۋما رەسەي پرەزيدەنتىنىڭ جەكە باسىنا تيىسپەۋگە كەپىلدىك بەرەتىن زاڭ جوباسىن ءبىرىنىشى وقىلىمدا ماقۇلدادى. بۇل – ۆلاديمير ءپۋتيننىڭ 2036 جىلعا دەيىن بيلىك ەتۋىنە مۇمكىندىك بەرىپ، قىلمىستىق قۋدالاۋدان قۇتقارادى. دەمەك، قازىرگى پرەزيدەنت 84 جاسقا دەيىن بيلىكتە قالا الادى.
بۇعان دەيىن مەملەكەتتىك دۋما سونىمەن بىرگە بۇرىنعى پرەزيدەنتكە ءومىر بويى سەناتور بولۋعا رۇقسات بەرەتىن زاڭ جوباسىن ءبىرىنشى وقىلىمدا ماقۇلداعان. بۇل قىزمەتكە كەلگەن ادام دا قىلمىستىق قۋدالاۋدان قۇتقاراتىن يممۋنيتەتكە يە بولادى.
مەملەكەتتىك دۋمادا ءۇشىنشى وقىلىمنان وتكەننەن كەيىن قۇجات فەدەرالدىق كەڭەسكە جونەلتىلەدى، ودان ءارى قاراي پۋتينگە قول قويۋعا جىبەرىلەدى.
رەسەيدە 2008-2012 جىلدار ارالىعىندا مەملەكەت باسقارعان دميتري مەدۆەدەۆ قانا بۇرىنعى پرەزيدەنت مارتەبەسىنە يە.
قازىر رەسەيدە 2001 جىلى قابىلدانعان بۇرىنعى پرەزيدەنتتىڭ جەكە باسىنا تيىسپەۋ تۋرالى زاڭ بار. زاڭعا 1991 جىلى 31 جەلتوقساندا سول جىلدارى پرەزيدەنتتىڭ مىندەتىن اتقارۋشى بولعان ۆلاديمير پۋتين بوريس ەلتسين وتستاۆكاعا كەتكەننەن كەيىن قول قويعان.
ەندى زاڭ جوباسى بۇرىنعى مەملەكەت باسشىسى مەن ونىڭ وتباسىن قىلمىستىق نەمەسە اكىمشىلىك جاۋاپكەرشىلىككە تارتۋعا تىيىم سالۋدى قاراستىرادى. قۇجات بويىنشا، ولاردى ۇستاۋعا، قاماۋعا الۋعا، تىنتۋگە، تەرگەۋگە دە بولمايدى. تەك «مەملەكەتكە وپاسىزدىقتىق جاسادى» دەپ كۇدىككە ىلىنگەن بۇرىنعى باسشىلار مەملەكەتتىك دۋما، جوعارعى سوت، كونستيتۋتسيالىق سوتتىڭ ماقۇلداۋىمەن جازاعا تارتىلۋى مۇمكىن.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى