كورنەكى سۋرەت. فوتو: www.city04.kz

قازاقستاندا ءبىلىم جانە عىلىم ۆيتسە-ءمينيسترى بيبىگۇل اسىلوۆا ءبىلىم سالاسىنىڭ باسقارۋ جۇيەسى وزگەرەتىنىن حابارلادى.

«وزدەرىڭىزگە بەلگىلى، 2021 جىلدىڭ قاڭتاردان باستاپ ءبىلىم سالاسىن باسقارۋ جۇيەسى وزگەرەتىن بولادى. اۋداندىق جانە قالالىق ءبىلىم بەرۋ بولىمدەرىن باسقارۋ قىزمەتى وبلىستىق باسقارمالارعا بەرىلەدى. ول ءۇشىن «بيۋدجەت» كودەكسىنە، «ءبىلىم تۋرالى» جانە «جەرگىلىكتى مەملەكەتتىك باسقارۋ تۋرالى» زاڭدارعا 27 وزگەرىس ەنگىزىلدى. زاڭعا سايكەس ءبىلىم بولىمدەرىنىڭ مارتەبەسى ساقتالادى. بىراق، ولار ءبىلىم باسقارمالارىنا قاراستى بولادى جانە وعان ەسەپ بەرەدى. كوپ جاعدايدا ءبىلىم ساپاسى ونىڭ مەنەدجمەنتىنە، قارجىلاندىرىلۋىنا جۇمىلدىرىلعان بارلىق پروتسەستەردىڭ ءتيىمدى ءوزارا ءىس-قيمىلىنا بايلانىستى. اۋداندىق، قالالىق جانە وبلىستىق ءبىلىم باسقارمالارى ءوزارا ءىس-قيمىلىنىڭ بۇگىنگى پروتسەسى قوعام تاراپىنان ءادىل سىنعا ۇشىراپ وتىر»، - دەدى بيبىگۇل اسىلوۆا ۆەدومستۆونىڭ اپپارات جينالىسىندا.

ونىڭ ايتۋىنشا، بۇل شەشىم مەملەكەت باسشاسىنىڭ بىلتىرعى تاپسىرماسىنا سايكەس قابىلدانعان.

كەلەسى جىلدىڭ باسىنان باستاپ قالالىق جانە اۋداندىق ءبىلىم بولىمدەرىن قارجىلاندىرۋ وبلىستىق ءبىلىم باسقارماسىنا اۋىسادى. بۇل جەرگىلىكتى ءبىلىم بەرۋ ۇيىمدارى جۇمىسىنىڭ جاقسارۋىنا سەپ بولادى دەيدى شەنەۋنىكتەر.

"The Qazaq Times"