مەملەكەتتىك باستى رەسۋرس www.coronavirus2020.kz سايتى نە دەنمين سايتىندا (سوڭعى رەت 10 شىلدە جاريالانعان – QT) اعىلشىن تىلىندە اقپارات بولماۋىنىڭ سەبەبىنەن پاندەميا كەيستەرىنىڭ ستاتيستيكاسىن جۇرگىزەتىن حالىقارالىق ۇيىمدار قاتە دەرەك جاريالاپ وتىر. ماسەلەن، Worldometers  جانە الەم حالقى جۇگىنەتىن دجون حوپكينس ۋنيۆەرسيتەتىنىڭ ەسەبىندە قازاقستاندا 106 984 كەيس بارى كورسەتىلگەن. رەداكتسيا تاراپى اتالعان ۇيىمدارعا حات جولداپ، ەلدەگى ستاتيستيكا ەكى باعىتتا جۇرەتىنىن، نەگىزىنەن جيىنتىق ەسەبىن جاريالاۋ قاجەتتىگىن ەسكەرتتى.

دەنساۋلىق ساقتاۋ مينيسترلىگىمەن تىكەلەي جۇمىس ىستەيتىن ددسۇ-نىڭ بازاسىندا ەلدە 136,5 مىڭنان استام ادام ۆيرۋسقا شالدىققانى ناقتى بەرىلگەن. بيىل قاڭتار-تامىز ايلارى ارالعىندا بىلتىرعا قاراعاندا 3,3 ەسەگە كۇرت ءوسىپ، 256 مىڭ جاعدايعا ارتقان پنەۆمونيا دەرەگىنەن كوروناۆيرۋس كەيسىن انىقتاۋدى قيىنسىنعان ۇكىمەتتىڭ مالىمەتىنشە، قازىرگى تاڭدا قازاقستاندا 137 مىڭنان استام (كۆي+ / U07.1 – 107 مىڭداي، كۆي- / U07.2 – 30 مىڭ) ادام دەرتكە شالدىققان.

رەسمي رەسۋرستاردا ءتىپتى كوروناۆيرۋس پەن كوروناۆيرۋس پنەۆمونياسىنىڭ جيىنتىق ەسەبى دە جوق. ءبىر بريفينگتە وسى ساۋالدى قوزعاعان جۋرناليسكە ۆەدومستۆو وكىلى باعدات قوجاحمەتوۆ كالكۋلياتوردىڭ كومەگىمەن ەسەپتەۋگە كەڭەس بەرگەن.

قازاقستاندا كوروناۆيرۋس ستاتيستيكاسى قوعامدا ۇلكەن داۋ تۋدىرعان. وعان سەنبەيتىن، كۇمانمەن قارايتىن ازاماتتار مەن ساراپشىلار كوپ.

17 شىلدە «ەستۋشى مەملەكەت» قۇرۋدى كوزدەيتىن پرەزيدەنت توقاەۆ ۇكىمەتكە پاندەميا ستاتيستيكاسىن بىرىزدەندىرۋدى تاپسىرعان. بىراق ساراپشىلاردىڭ كوبى ونىڭ «ۇكىمەتكە پاندەميانىڭ ستاتيستيكاسىن بىرىزدەندىرۋ مىندەتتەلدى. ازاماتتاردىڭ دەنساۋلىعى مەن ومىرىنە كوروناۆيرۋستان بولەك، وكپە قابىنۋى دا ۇلكەن زاردابىن تيگىزىپ وتىر. پاندەميا احۋالى تۋرالى بارلىق اقپارات قانشا جەردەن اششى بولسا دا، ونى قوعام بىلۋگە ءتيىس»، – دەگەن تاپسىرماسى ءالى كۇنگە دەيىن تولىق جۇزەگە اسپاعانىن ايتادى. قازاقستان ۇكىمەتى كوروناۆيرۋس پەن كوروناۆيرۋس پنەۆمونياسى تۋرالى جاريالاناتىن دەرەكتەر مەن ينديكاتورلاردىڭ بالانسىن تەڭەستىرمەگەن. شىعۋ-ءورشۋ كوزى ءبىر، كلينيكاسى ۇقساس، ءتىپتى كوپتەگەن ەل بولمەي قاراستىراتىن قازاقستاندىق ەپيدەميانىڭ ەكى ءتۇرى بويىنشا بەرىلەتىن اقپاراتتاردىڭ قۇرىلىمى اركەلكى.

"The Qazaq Times"