تءورت جىلدا ءبىر رەت وتەتىن الەمدىك ەڭ ۇلكەن سپورت دوداسى – وليمپيادا ويىنارى بيىل جازدا جاپونيادا وتكىزىلەدى دەپ جوسپارلانعان. الايدا كوروناۆيرۋس پاندەمياسىنا بايلانىستى وليمپيادا ۋاقىتى كەلەسى جىلعا شەگەرىلگەن بولاتىن.

ۆۆس اگەنتتىگىنە جاپونيانىڭ وليمپيادا جانە پاراليمپيادا ىستەرى بويىنشا ءمينيسترى سەيكو حاسيموتو الەمدى جايلاعان ىندەتتىڭ بەتى قايتپاسا دا، جارىس 2021 جىلى وتكىزىلەتىنىن ايتقان. حاسيموتو سوزىندە: «وليمپياداعا ۇيىمداستىرۋشىلار دا، سپورتشىلار دا جاقسى دايىندالدى. ءبىز بۇل شارانىقايتكەن كۇندە دە وتكىزۋىمىز كەرەك. سانيتاريا تالاپتارى قاتاڭ ساقتالىپ، ءار قاتىسۋشىنىڭ دەنساۋلىعى باقىلاۋدا بولادى»، – دەدى.

شەتەلدىك باسىلىمدار ەگەر توكيو وليمپياداسى ەكى جىلعا كەيىنگە قالدىرىلسا، قىسقى وليمپيادا 2022 جىلى بەيجىڭدە ۇيىمداستىرىلادى دەپ جازعان. سول جىلى جازدا توكيودا جازعى وليمپيادا وتپەك. الەم كۋبوگى جىل سوڭىنا بەلگىلەنگەن.

حالىقارالىق وليمپيادا كوميتەتى بۇعان دەيىن توكيودا وتەتىن شارا بۇرىن جوسپارلانعانداي 24 شىلدەدە وتەتدى دەگەن. كەيىننەن اتالعان كوميتەتتىڭ ۆيتسە-پرەزيدەنتى دجون كوۋتس: «وليمپيادا كوروناۆيرۋس توقتاماسا داۇيىمداستىرىلاتىن بولادى. جارىس 2021 جىلدىڭ 23 شىلدەسىندە باستالادى. بۇل جارىس – COVID-19 ۆيرۋسىنا قارسى شىققان العاشقى شارا بولادى»، – دەگەن.

"The Qazaq Times"