تولقىن اقانۇلىنىڭ جاڭا جىر كىتابىنىڭ تۇساۋى كەسىلدى

26 تامىز كۇنى ەلورداسىنداعى جازۋشىلار ۇيىندە قازاقستان جازۋشىلار وداعىنىڭ جانە ەۋرازيا جازۋشىلار وداعىنىڭ مۇشەسى، اقىن-سازگەر، اكادەميك-دارىگەر تولقىن اقانۇلىنىڭ "قاراعايباستاۋىم" اتتى جىر جيناعىنىڭ تۇساۋى كەسىلىپ، وقىرمانعا جول تارتتى. 

جىر جيناقتىڭ تۇساۋكەسەر جيىنىنا قازاق پوەزياسىنىڭ كورنەكتى وكىلى اقىن نەسىپبەك ايتۇلى، استاناداعى جازۋشىلار ءۇيىنىڭ ديرەكتورى، اقىن داۋلەتكەرەي كاپۇلى، جازۋشى ءجادي شاكەنۇلى قاتارلى ادەبيەتتىڭ، ونەردىڭ وكىلدەرى قاتىستى. اۆتور شىعارماشىلىعى مەن ومىردەگى الۋان قىرلارى تۋرالى اڭگىمە شەرتىلىپ، ولەڭ سۇيەر قاۋىمعا جول تارتقان ەڭبەككە ءسات ساپار تىلەدى.

اۆتوردان جىر كادە.

شارانىڭ سوڭىن "قاراعايباستاۋىم" جىر كىتابىنىڭ اۆتورى تولقىن اقانۇلى ءوزىنىڭ ءبىر ولەڭىمەن تۇيىندەدى:

اتىم – قازاق، شەتتە تۋىپ، شەتتە ءوستىم،
تۇمسىعىمدى قاناتقان جوق كوپتە ەشكىم.
جالپاقتاماي، جالتاقتاماي ەشكىمگە
ەركىن سويلەپ، ەگەستەردى ءدوپ كەستىم.
اڭساپ كۇتكەن اعايىنمەن بەتتەستىم،
تالاي-تالاي بەزبۇيرەكپەن بەتتەستىم.
قانىم – قازاق، جانىم – قازاق ەمەس پە،
اتاجۇرتتان ەندى ەشقايدا كەتپەسپىن!

فوتو: ادەبيەت پورتالىنان.

تۇساۋكەسەرگە قاتىسقان ونەرپازدار اۆتوردىڭ سوزىنە جازىلعان اندەردەن شاشۋ شاشتى.

“The Qazaq Times”