وباما ترامپتى اۋىر سىنعا الدى

19 تامىز اقش دەموكراتتارى جالپى جينالىسىندا وزدەرىنىڭ ءتورت جىلدىق ۇلتتىق كونگرەسىن قاراشا ايىنداعى جالپى حالىقتىق سايلاۋدا ساقتاپ قالىۋ ءۇشىن قولدان كەلگەننىڭ ءبارىن جاساماق.

دەموكراتتاردىڭ جالپى جينالىسىنىڭ ءۇشىنشى كۇنى   زورلىق-زومبىلىق، كليماتتىڭ وزگەرۋى، يمميگراتسيا، ايەلدەر قۇقىعى جانە ەكونوميكا سياقتى ماسەلەلەر قاراسترىلدى، بۇرىنعى ۆيتسە-پرەزيدەنت بايدەن سايلانسا وسى نەگىزگى ماسەلەلەردى شەشىپ، اقش قوعامىن جاقسارتادى دەپ مالىمدەدى.

بۇرىنعى پرەزيدەنت وباما دەموكراتتار جينالىسىندا ءسوز سويلەدى.سەگىز جىل بويى بيلىكتە بولىپ، 2017 جىلى قىزمەتىنەن كەتكەن وباما ءوزىنىڭ ءىز باسارى قازىرگى پرەزيدەنت ترامپتى مۇلدەم بىلىكسىز دەپ سىنعا الدى.

فوتو: inquirer.com

"مەن ەشقاشان مەنىڭ ءىزباسارىم مەنىڭ ساياساتىمدى جالعاستىرادى دەپ كۇتكەن ەمەسپىن، بىراق مەن ءبىزدىڭ ەل ءۇشىن ترامپ بۇل جۇمىستى بايىپپەن ورىندايدى دەپ ۇمىتتەندىم، ول بۇل جۇمىستىڭ سالماعىن سەزىنەدى جانە باسقاراتىن ەلدىڭ دەموكراتياسىنا قۇرمەت كورسەتەدى دەپ سەندىم، بىراق ول مۇنى جاسامادى", - دەدى وبالا.

سارسەنبىدە اق ۇيدە وتكەن ءباسپاسوز ءماسليحاتىندا پرەزيدەنت ترامپ وبامانىڭ ايىپتاۋلارىنا جاۋاپ بەردى. "پرەزيدەنت وباما مەن بايدەن قىزمەتىن دۇرىس اتقارمادى، سول سەبەپتى مەن وسىندامىن. ەگەر ولار جاقسى جۇمىس ىستەسە، مەن مۇندا بولماس ەدىم.ەگەر ولار جاقسى ارەكەت ەتسە، مەن مۇلدەم پرەزيدەنتتىككە ۇمىتكەر بولماس ەدىم.”

فوتو: eadaily.com

بۇل جينالىستىڭ العاشقى ءۇش كۇنىندە دەموكراتتار ىشكى ماسەلەلەرگە نازار اۋداردى، سىرتقى ساياسات تۋرالى از ءسوز قوزعالدى جانە قىتاي ماسەلەسى تىلگە الىنبادى.

رەسپۋبليكاشىلدار كەلەسى اپتاداعى ۇلتتىق كونگرەسستىڭ وتىرىسىندا  قىتاي ماسەلەسىن باستى نازارعا الادى دەپ كۇتىلۋدە.

دۇيسەنبىدە ترامپ: "ەگەر ءبىز دۇرىس تاڭداۋ جاساماساق، مەنىڭ سوزدەرىمدى ەسىڭىزدە ساقتاڭىز، قاتەلەسكەنىڭىزدى تەكسەرۋگە مۇمكىندىگىڭىز بولمايدى، قىتاي امەريكا قۇراما شتاتتارىن تولىعىمەن جەڭەدى."

سەيسەنبىدە بۇرىنعى ۆيتسە-پرەزيدەنت بايدەن دەموكراتتار جينالىسىندا رەسمي تۇردە ۇسىنىلدى جانە الداعى كۇندەرى اقش-تاعى 2020 جىلعى پرەزيدەنتتىك سايلاۋعدا دەموكراتتار تارابىنان بۇل كانديداتۋرانى رەسمي تۇردە قابىلدايدى دەپ كۇتىلۋدە.

"The Qazaq Times"