استانا اكىمدىگىنىڭ رەسمي سايتىندا اتاۋلى الەۋمەتتىك كومەك جايلى رەسمي حابارلاما جاريالاندى. جۇمىسپەن قامتۋ ورتالىعى قازاقستانداعى توتەنشە جاعداي كەزىندە اتاۋلى الەۋمەتتىك كومەك قىسقارتىلماعانىن مالىمدەدى.

ۆەدومستۆو 2020 جىلدىڭ ەكىنشى توقسانىندا توتەنشە جاعداي رەجيمى كەزىندە اتاۋلى الەۋمەتتىك كومەك كىرىستى قايتا ەسەپتەمەستەن اۆتوماتتى تۇردە تاعايىندالعانىن ايتتى. ال ءۇشىنشى توقساندا كىرىستى ەسەپتەۋ قاراستىرىلعان.

ءباسپاسوز قىزمەتنىڭ حابارلاماسىندا: «الەۋمەتتىك جەلىدە وسى ايدا 2020 جىلدىڭ II توقسانىمەن سالىستىرعاندا اتاۋلى الەۋمەتتىك كومەك قىسقارتىلعانى تۋرالى اقپارات تاراپ جاتىر. 2020 جىلدىڭ شىلدە ايىنان باستاپ كارانتين شارالارىن ساقتاۋ اياسىندا استانادا ااك ەسەپتەۋ II توقسانىنداعى كىرىستى ەسەپتەۋدى ەسكەرە وتىرىپ، 2 941 وتباسىنا اۆتوماتتى تۇردە تاعايىندالدى. سونداي-اق «ەلەكتروندى ۇكىمەت» ۆەب-پورتالىنىڭ ءوتىنىش بەرۋى ءبولىمى ارقىلى ءوتىنىم جىبەرگەن 160 جاڭا ءوتىنىش بەرۋشىگە ااك ەسەپتەلدى» – دەلىنگەن.

14 شىلدەدە پرەمەر-مينيستر اسقار مامين ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ مينيسترلىگىنە ااك-ءتى III توقسانعا تاعايىنداۋدى بەلسەندى تۇردە جۇرگىزۋدى تاپسىرعان. ەڭبەك مينيسترلىگى اتاۋلى الەۋمەتتىك كومەك تاعايىنداۋ 121 مىڭ وتباسىنىڭ 625 مىڭ مۇشەسىنە اۆتوماتتى تۇردە ۇزارتىلعانىن حابارلادى. رەسمي مالىمەتتەر بويىنشا، ەكىنشى توقساندا 561 مىڭ قازاقستاندىق مەملەكەتتىك ينستانتسيالارعا جۇگىنبەي اۆتوماتتى تۇردە جاردەماقى الدى.