وسىدان ءبىر اپتا بۇرىن بەيرۋتتا 163 ادامنىڭ ءومىرىن قيعان جارىلىس ورىن الدى. بۇگىندە بەيرۋت تۇرعىندارى كوشەلەردەگى قوقىستاردى تازالاپ قالپىنا كەلەتىرۋدە.
رەسمي وكىلدەر 4 تامىزدا جارىلىسقا پورتتا ساقتالعان 2000 توننادان استام اممياك سەليتراسى سەبەپ بولعانىن حابارلادى. جارىلىستان 6000-نان استام ادام جاراقاتتاندى، جارىلىس وسى استانانىڭ ۇلكەن اۋماعى قيراتتى. سونمەن قاتار ساياسي جانە ەكونوميكالىق قۇلدىراۋعا الىپ كەلدى.
سەيسەنبىدە ەكسكاۆاتورلاردىڭ قوقىستى تازالاۋعا كىرسكەنىن كورۋگە بولادى. تازالاۋعا قاراپايىم تۇرعىندار دا كىرسكەن، زارداپ شەككەن نىسانداردى قالپىنا كەلتىرۋ جۇمىستارى جالعاسۋدا.
جارىلىستىڭ زاردابىنان 250 مىڭ ادام باسپاناسىز قالعانى بەلگىلى بولعان، دۇكەندەر قيراپ، قالا قۇرلىسى قاتتى بۇلىنگەن.
قاۋىپسىزدىك سالاسىنىڭ لاۋازىمدى تۇلعالارىنا كورسەتىلگەن قۇجاتتارعا سايكەس، ليۆاننىڭ قاۋىپسىزدىك قىزمەتكەرلەرى وتكەن ايدا پرەمەر-مينيستر مەن پرەزيدەنتتى بەيرۋت پورتىندا ساقتالعان 2750 توننا اممياك سەليتراسى قاۋىپسىزدىككە قاۋىپ توندىرەتىنى تۋرالى ەسكەرتكەن. ەگەر جارىلىس بولسا، ول بۇكىل جەردى قۇرتۋى مۇمكىن ەكەندىگىدە ەسكەرتىلگەن.
بەيرۋتتى قالپىنا كەلتىرۋ ءۇشىن ميللياردتاعان دوللار قاجەت. ەكونوميستەر جارىلىس ليۆاننىڭ جالپى ىشكى ءونىمىنىڭ 25 پايىزىن قۇرتۋى مۇمكىن دەپ بولجايدى. ليۆان بيلىگىنىڭ سالعىرتتىعى سالدارىنان ورىن العان جارىلىس ەندى ەندى ەل ەكونوميكاسىن جارماق.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى