ەۋروپالىق وداق قىرعىزستانعا داعدارىس كەزىندە ءبىلىم بەرۋ جانە الەۋمەتتىك قورعاۋ سالالارىن قولداۋ باعدارلاماسى اياسىندا 36 ميلليون ەۋرو كولەمىندە بيۋدجەتتىك كومەك كورسەتتى. بۇل تۋرالى «كابار» اگەنتتىگى حابارلادى.

بۇل ماسەلەنى 22 شىلدەدە قىرعىزستان سىرتقى ىستەر ءمينيسترى شىڭعىس ايداربەكوۆ پەن ەو-تىڭ ورتالىق ازياداعى وكىلى پيتەر بۋريان تالقىلاعان. سونىمەن قاتار قىرعىزستان ءدارى-دارمەكتەردى ەو-ددۇ مەحانيزمى ارقىلى الۋعا ءوتىنىش ءبىلدىردى.

ايداربەكوۆ پاندەميا كەزىندەگى ەل جاعدايى تۇراقتانعاننان كەيىن بىردەن بىشكەكتە ەو-ورتالىق ازيا ەكونوميكالىق فورۋمىن وتكىزۋ قاجەت دەيدى. قىرعىز ءمينيسترى دايىندىق شارالارىن باستاي بەرۋدى ۇسىندى.

2020 جىلدىڭ ءبىرىنشى جارتىسىندا قىرعىزستان 321 ميلليون دوللار كولەمىندە سىرتقى كومەك الدى: كومەكتىڭ جالپى قۇنى –  627 ميلليون دوللار، ونىڭ ىشىندە 166 ميلليون دوللارى – گرانتتار. ال قالعان سوما – جەڭىلدەتىلگەن نەسيەلەر.

سوڭعى مالىمەتتەرگە سايكەس، قىرعىزستاندا COVID-19 ىندەتىن جۇقتىرعاندار سانى وتكەن تاۋلىكتە 921-گە ءوسىپ، 42 ادام قايتىس بولعان. ال ۆيرۋس جۇقتىرعانداردىڭ جالپى سانى 31 247-گە، قايتىس بولعاندار سانى 1211-گە جەتكەن.

"The Qazaq Times"