قىرعىز ەلىنىڭ دەنساۋلىق ساقتاۋ مينيسترلىگى COVID-19 ۆيرۋسىنىڭ سالدارىنان وكپە قابىنۋىنىڭ ورشىگەنىن مويىنداپ، بىرگە ەسەپتەۋگە كوشتى.
Kloop.kg ينتەرنەت باسىلىمىنىڭ حابارلاۋىنشا، بۇعان دەيىن دارىگەرلەر پنەۆمونيانى بىردە-ءبىر رەت كوروناۆيرۋستىڭ اسقىنعان كۇردەلى كەزەڭى ەكەنىن ايتپاعان. ەندى بيلىك كوروناۆيرۋس ينفەكتسياسىنىڭ كودتىق اتاۋى COVID-19 U07.1 بولىپ، ال كوروناۆيرۋستىق پنەۆمونيانى – U07.2 دەپ بەلگىلەدى.
پاندەميا باستالعالى بەرى قىرعىزستاندا 23 783 ادامۆيرۋس جۇقتىرعان، وكىنىشكە قاراي، ونىڭ 785-ءى قايتىس بولعان.
«ورتالىق ازيا جاڭالىقتار قىزمەتىنىڭ» مالىمەتىنشە، قىرعىزستاننىڭ دەنساۋلىق ساقتاۋ مينيسترلىگى شىعارعان بۇيرىعى نەگىزىندە پنەۆمونيامەن اۋىرعاندار COVID-19 كورىنىسى رەتىندە قاراستىرىلا باستادى. پرەمەر-مينيستر ورىنباسارى ايدا يسمايلوۆانىڭ بەيسەنبى كۇنگى، ياعني 16 شىلدەدەگى بريفينگتە ايتقانىنداي، ۆەدومستۆو جاقىندا COVID-19 بويىنشا ۇلتتىق كلينيكالىق نۇسقاۋلىقتىڭ ءۇشىنشى نۇسقاسىن بەكىتىپتى. وندا «كوروناۆيرۋستىق ينفەكتسياسى بار پاتسيەنتتەردى جانە ونىڭ اسقىنۋىن، اتاپ ايتقاندا پنەۆمونيانى الگوريتمى قامتىلعان». بۇدان بىلاي ەكى اۋرۋ بويىنشا تۇسكەن ناۋقاستار تۇگەلدەي ستاتسيونارلىق جانە امبۋلاتوريالىق كومەك الاتىن بولادى.
«ددسۇ بەكىتكەن اۋرۋلاردىڭ حالىقارالىق جىكتەمەسىنە سايكەس، COVID-19 زەرتحانامەن راستالعان U07.1 كودىنا جانە زەرتحانالىق راستالماعان U07.2 كودىنا جاتادى، بىراق ول كلينيكالىق جانە رەنتگەنولوگيالىق تۇرعىدان كورىنەدى. دەنساۋلىق ساقتاۋ مينيسترلىگى وكىم شىعاردى، سوعان سايكەس تيپتىك ەمەس پنەۆمونيا وسى كودقا جاتادى. وسىلايشا، اتيپيالىق پنەۆمونيانىڭ ستاتيستيكاسى COVID-19 كەيستەرىمەن قوسا ەسەپتەلەدى»، – دەپ ءتۇسىندىردى قىرعىز ۆيتسە-پرەمەرى يسمايلوۆا.
قازىرگى تاڭدا قىرعىزستانمەن كورشىلەر ورتالىق ازياداعى ەڭ ءىرى ەل قازاقستاندا دا پنەۆمونيا دەرتىنە شالدىققاندار كوبەيگەن. مامانداردىڭ كوپشىلىگى، ددسۇ-نىڭ وكىلدەرى، دارىگەرلەر مۇنى كوروناۆيرۋسپەن بايلانىستىرادى. دەسە دە جاڭا كومانداسىن جاساقتاپ ۇلگەرگەن مينيستر الەكسەي تسوي كوروناۆيرۋستىق پنەۆمونيا دەپ تانۋعا اسىعىستىق تانىتپاي وتىر.
سوڭعى رەسمي مالىمەت بويىنشا، پنەۆمونيا 138 مىڭنان اسسا، كوروناۆيرۋس 67 مىڭعا جۋىقتاعان (2020 جىلعا – QT). كوروناۆيرۋستان جالپى جيىنى 476 ادام قايتىس بولعان. اتىراۋ جانە الماتى قالاسىندا، ەلوردادا جاعداي كۇردەلەنگەن. 6 مىڭداي ناۋقاس مەديتسينا قىزمەتكەرلەرى. كەيستەر سانى نەگىزىندە الەم ەلدەرىنىڭ تىزىمىندە 29-ورىنعا شىققان قازاقستاندا تەستىلەۋ قارقىنى باسەڭدەگەن. وسى ۋاقىتقا دەيىن نەبارى 1,7 ملن ءارتۇرلى تەست جاسالعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى