الەم ەلدەرى كوروناۆيرۋس جۇقتىرعاندار سانىنىڭ ارتۋىنا بايلانىستى، قاتاڭ كارانتينگە قايتادان كوشە باستادى. شولۋ جاساپ كورەلىك.

يتاليادا توتەنشە جاعداي رەجيمى 31 قازانعا دەيىن ۇزارتىلۋى مۇمكىن. ىندەتكە قاتىستى احۋالعا وراي يتاليا ۇكىمەتى توتەنشە جاعدايدى سوزۋ ماسەلەسىن قاراستىرۋدا.

ۇلىبريتانيادا جاڭا ەرەجە بويىنشا جەرگىلىكتى حالىق قوعامدىق كولىككە مىنگەندە نەمەسە اۋرۋحانالارعا بارعاندا عانا ماسكا كيۋگە مىندەتتەلدى. سەبەبى ەلدەگى احۋال ناشارلاعان.

يران پرەزيدەنتى حاسان رۋحاني ەل كوروناۆيرۋستىڭ ەكىنشى تولقىنىن باستان كەشىپ جاتقانىن مالىمدەدى. ەل استاناسى تەھراندا كارانتين جەتى كۇنگە ۇزارتىلدى. ۋنيۆەرسيتەتتەر، مەكتەپتەر، كىتاپحانالار، سۇلۋلىق سالوندارى، مەشىتتەر، كينوتەاترلار، تەاترلار مەن مۇراجايلار جابىلدى. بارلىق مادەني-كوڭىل كوتەرۋ جانە ءدىني شارالار ۋاقىتشا توقتاتىلدى.

امەريكانىڭ كاليفورنيا شتاتىندا بارلىق مەيرامحانا، كوڭىل كوتەرۋ ورىندارى، حايۋاناتتار باعى مەن مۇراجايلار جابىلدى.

گونكونگتا تۇرعىندارعا الەۋمەتتىك قاشىقتىقتى ساقتاۋ تۋرالى شەشىم ۇيعارىلدى. اشىلعانىنا ءبىر اي بولعان «ديسنەيلەند» تاعى دا جابىلدى.

اۋستراليانىڭ 5 ملن جۋىق تۇرعىنى بار مەلبۋرن قالاسى التى اپتالىق كارانتيندە. قالا ورنالاسقان ۆيكتوريا شتاتى كورشىلەس جاڭا وڭتۇستىك ۋەلس جانە وڭتۇستىك اۋستراليا شتاتتارىمەن شەكارالارىن جاپتى.

برازيليادا كارانتين تالاپتارىن ساقتاۋ مىندەتتەلدى. قازىر دۇنيەجۇزىلىك تىزىمدە ناۋقاستار سانى بويىنشا العاشقى ۇشتىكتەگى برازيليادا قاۋىپتى دەرتكە شالدىققان تۇرعىنداردىڭ سانى 2 ملن-نان استى. 75 مىڭنان استام ادام ۆيرۋستىڭ قۇربانى بولدى. ەلدىڭ دەنساۋلىق ساقتاۋ مينيسترلىگىنىڭ حابارلاۋىنشا، وتكەن تاۋلىكتىڭ وزىندە COVID-19-دان 1200 ادام كوز جۇمىپ، 40 مىڭنان استامى كوروناۆيرۋس جۇقتىردى. ايماقتا مەديتسينالىق قۇرال-جابدىقتار مەن دارىگەرلەر تاپشى.

موروككودا تانجەرقالاسىندا كارانتين ەنگىزىلدى. وڭتۇستىك افريكا رەسپۋبليكاسىندا كومەندانتتىق ساعات ءجۇرىپ جاتىر. كولۋمبيا استاناسى بوگوتانىڭ كەيبىر اۋداندارىندا ەكى اپتالىق كارانتين ەنگىزىلگەن.

"The Qazaq Times"