الماتى وبلىسىندا سوڭعى 5 جىلدا تۋريستەر سانى ەكى ەسە ءوسىپ، 2 ملن. 227 مىڭ ادامدى قۇرادى، - دەپ حابارلايدى الماتى وبلىسى اكىمىنىڭ ءباسپاسوز قىزمەتى.

وبلىستىق تۋريزم باسقارماسىنىڭ مالىمەتىنشە، 2019 جىلدىڭ قورىتىندىسى بويىنشا وبلىستا تۋريستەر قابىلدايتىن 781 نىسان جۇمىس ىستەيدى. ولار 2272,3 مىڭ ادامعا قىزمەت كورسەتكەن، 2018 جىلدىڭ سايكەس مەرزىمىمەن سالىستىرعاندا ءوسىم – 18,7%، اقىلى تۋريستىك-ساۋىقتىرۋ قىزمەتىنىڭ كولەمى 15,9 ملرد. تەڭگەنى قۇراپ، 23,3% ۇلعايتىلعان.

تۋريستىك نىساندارعا كەلسەك، سوڭعى 5 جىلدا وبلىستا جالپى سوماسى 40,1 ملرد. تەڭگەگە 196 تۋريستىك جاڭا نىسان ىسكە قوسىلدى، سونىڭ ىشىندە 2019 جىلى وبلىس كارتاسىندا سوماسى 19,3 ملرد. تەڭگە جەكە ينۆەستيتسيا ەسەبىنەن 48 جڭا ورنالاستىرۋ ورىندارى پايدا بولدى. سول سياقتى بيىلعى جىلى وبلىستا 4,2 ملرد. تەڭگەگە 27 تۋريستىك نىساننىڭ قۇرىلىسىن اياقتاۋ جوسپارلانعان.  2020 جىلدىڭ 1-ءشى توقسانىندا الاكول اۋدانىنداسوماسى 110ملن. تەڭگەگە 3 نىسان ىسكە قوسىلدى.

تاۋ كلاستەرى اۋماعىندا تالعار اۋدانىنداعى جۇمىس ىستەپ تۇرعان «ويقاراعاي - اپورت» (1-كەزەڭ) جانە «اقبۇلاق» جانە ەڭبەكشىقازاق اۋدانىنداعى جاڭا  «تۇرگەن» (1-كەزەڭ) تاۋ كۋرورتتارىن،  كەڭەيتۋدى جۇزەگە اسىرۋعا قاتىستى،  سول سياقتى رايىمبەك اۋدانىندا جالپى قۇنى 542,7 ملرد. تەڭگە بولاتىن جەكە ينۆەستيتسياعا اشىلعان «Park Canyon» ويىن-ساۋىق كەشەنىنە قاتىستى ءىرى ينۆەستيتسيالىق جوبالاردى جۇزەگە اسىرۋ جوسپارلانعان. سونىمەن بىرگە الاكول كولىنىڭ جاعالاۋىندا سوماسى 4 ملرد. تەڭگەگە جازعى امفيتەاترى بار «Alakol Apartments» كوتتەدجدى قالاشىق جوباسىن جۇزەگە اسىرۋ جوسپارلانعان.

سونىمەن قاتار كورسەتىلەتىن قىزەمتتىڭ ساپاسىن كوتەرۋ جۇمىستارى تۇراقتى جۇرگىزىلۋدە. ماسەلەن، قازاقستان رەسپۋبليكاسىنىڭ تۋريستىك سالاسىن دامىتۋدىڭ 2019-2025 جىلدارعا ارنالعان مەملەكەتتىك باعدارلاماسى شەڭبەرىندە گيدتەرگە – ەكسكۋرسوۆودتارعا، ورنالاستىرۋ ورىندارىنىڭ، مۋزەيلەردىڭ، مەملەكەتتىك ۇلتتىق تابيعي پاركتەردىڭ، تۋريستىك فيرمالاردىڭ وكىلدەرىنە ارنالعان قىزمەت كورسەتۋ ساپاسىن كوتەرۋ جونىندەگى 18 كۋرس پەن وقىتۋ سەمينارلارى، سول سياقتى اۋەجايلار، تەمىر جول ۆوكزالدارى، شەكارا قىزمەتتەرى مەن پوليتسيا قىزمەتكەرلەرىنە ارنالعان بىلىكتىلىگىن ارتتىرۋ ترەنينگتەرى ۇيىمداستىرىلىپ، وتكىزىلدى. 2019 جىلى بىلىكتىلىگىن كوتەرۋ، سول قاتاردا تسيفرلىق ساۋاتتىلىعىن ارتتىرۋ كۋرستارىمەن وبلىستاعى تۋريستىك سالانىڭ 700-دەن استام قىزمەتكەرى قامتىلدى.

"The Qazaq Times"