كوروناۆيرۋس پاندەمياسى ەۋروپانىڭ قانشالىقتى وسال ەكەنىن كورسەتتى. گەرمانيا كانتسلەرى انگەلا مەركەل بۋندەستاگتا وتكەن جيىندا وسىلاي دەپ مالىمدەدى.

گەرمانيا 1 شىلدەدەن باستاپ ەو-عا توراعالىق ەتەدى. مەركەل سوزىندە: «ءبىز بۇل جاۋاپكەرشىلىكتى ەۋروپا تاريحىنداعى ەڭ اۋىر سىن-قاتەرگە تاپ بولعان كەزدە الىپ وتىرمىز. ءبىز، ءبىر جاعىنان، داعدارىستىڭ سالدارىن ەڭسەرۋگە، ەكىنشى جاعىنان، ەۋروپانى باسەكەگە قابىلەتتى ەتۋگە مىندەتتىمىز. ەۋروپا بىزگە [گەرمانياعا] مۇقتاج، ءبىز وعان مۇقتاجبىز. الەمدەگى پاندەميانىڭ درامالىق سالدارى ەۋروپادان جاھاندىق جاۋاپكەرشىلىكتى تالاپ ەتەدى»، – دەپ اتاپ ءوتتى.

سونىمەن قاتار مەركەل گەرمانيا ەو-عا توراعالىق ەتۋ كەزىندە قوعام مەن ەكونوميكانى تسيفرلاندىرۋ ماسەلەسىن قاراستىراتىتىن ايتتى. «ەۋروپا تەحنولوگيالىق جانە ساندىق تۇرعىدان تاۋەلسىز بولۋى كەرەك» – دەگەن كانتسلەر پاندەمياعا بىرلەسە توتەپ بەرۋ كەرەك دەپ شەگەلەدى.

الەمدىك داعدارىس كەزىندە ەۋروپا ەكونوميكالىق ماسەلەلەرگە توتەپ بەرە الۋى كەرەك. مەركەل پوپۋليستەر مەن راديكالدارعا قارسى تۇرۋ كەرەك دەپ، «انتيدەموكراتيالىق كۇشتەر، راديكالدى، اۆتوريتارلىق قوزعالىستار ەۋروپانى السىرەتۋدى ماقسات ەتەدى»، – دەدى.

"The Qazaq Times"