بۇگىن، 6 ماۋسىمدا الماتى قالاسىنداعى دوستىق كوشەسى بويىندا اكىمشىلىك تارابىنان "دەزينفەكتسيالانعان" ميتينگ ءوتتى.
نارازىلىق شاراسى تىركەلمەگەن دەموكراتيالىق پارتيا مەن ەلدە تىيىم سالىنعان قدت تاراپىنان ۇيىمداستىرىلدى.
الايدا، اتالعان ۇيىمداردىڭ جاقتاۋشىلارى دەگەن جەرىنە جەتە المادى. پوليتسيا "اباي" الاڭى مەن وعان جاقىن بىرنەشە كوشەنى جاۋىپ تاستاعان.
الماتى اكىمدىك وكىلدەرى بۇل جەرلەردە ىندەتكە بايلانىستى دەزينفەكتسيا شارالارىنىڭ جاسالىپ جاتقانىن العا تارتتى.
تۇسكى ساعات 11:30 شاماسىندا "قازاقستان" قوناق ءۇيىنىڭ جانىندا الاڭعا بارماق بولعان نارازى توپ كوبەيە ءتۇستى. پوليتسيا جاساعى ءار تاراپتان كەلگەن ادامداردى ءبىر-بىرىنە قوسپاي، جولدارىن بوگەپ تۇردى.
وسى كەزدە ارنايى كولىكتەر مەن قىزمەتكەرلەر جۇرتشىلىق جينالعان جەرلەردە دەزينفەكتسيا جۇمىستارىن جۇرگىزدى.
تىلشىلەرىمىزدىڭ مالىمەتىنە قاراعاندا، اتالعان الاڭعا جاقىن بىرنەشە كوشەنىڭ قيىلىسىندا پوليتسيا وننان استام ادامدى ۇستاعان.
11:00 شاماسىندا باستالعان نارازىلىق شاراسى 16:00-گە قاراي تارقادى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى