وتكەن كۇنى قازاقستاندا 271 ادامنان  كوروناۆيرۋس كەسەلى انىقتالعانى بەلگىلى بولدى.

دەرتتىڭ ءوسىمى 2,3% كورسەتتى. كەيستەردىڭ ەڭ كوبى قاراعاندى (68), استانا (55), اتىراۋ وبلىسى (35) جانە الماتى قالاسىندا (26), سونداي-اق بقو (22), الماتى (21) وبلىستارىندا تىركەلگەن. جۇقتىرۋ جاعدايى بارلىق وڭىردەن انىقتالعان.

3 ماۋسىم قاراعاندى وبلىسىنىڭ 56 جاستاعى، اتىراۋ ءوڭىرىنىڭ 56 جانە 69 جاستاعى تۇرعىندارى، سونىمەن قوسا 69 جاستاعى قايتىس بولعانى تۋرالى قارالى حابار ايتىلدى. جاز ماۋسىمىنىڭ العاشقى 3 كۇنىندە دەرتتىڭ تۋرا اسەرىنەن 8 قازاقستاندىق قۇربان بولدى.

وسىلايشا ەلدە ەكى جارىم ايدىڭ ىشىندە COVID-19 جۇقتىرعاندار سانى 12 مىڭنان اسىپ كەتتى. ناقتىراق ايتقاندا، ناۋقاستار سانى جالپى  جيىنى 12 067-گە جەتتى. ونىڭ جارتىسىنان كوبى (6240) اۋرۋىنان ايىعىپ، ساۋىعىپ ۇيىنە جىبەرىلگەن دەسەدى. وكىنىشكە قاراي، رەسمي اقپارات بويىنشا، COVID-19 ۆيرۋسىن جۇقتىرعان 48 ادامنىڭ جاعدايى قيىنداپ، قايتىس بولعان. دەگەنمەن بىرقاتار باق وكىلدەرى (ينفورمبيۋرو جانە ازاتتىق) وتكەن اپتادا قازاقستاندا ۆيرۋس جۇقتىرعان كەم دەگەندە 72 ادامنىڭ قايتىس بولعانىن انىقتاپ حابارلاعان ەدى.

دۇنيەجۇزىنە تارالعان اتى جامان اۋرۋعا شالدىققان ناۋقاستاردىڭ سانى بويىنشا ەلىمىز 49-ورىنعا شىققان. پرەزيدەنت توقاەۆ تwitter جەلىسىندەگى رەسمي پاراقشاسىندا ۆيرۋستىڭ ەكىنشى تولقىنىنىڭ تۋ قاۋپىنە الاڭدايتىنىن جازدى:

"ۇكىمەتتىك كوميسسيانىڭ بارلىق ءىس-ارەكەتىنە قاراماستان ىندەتكە شالدىققان ازاماتتارىمىز ازايماي وتىر. كوروناۆيرۋستىڭ ەكىنشى تولقىنىنىڭ قاۋىپى سەيىلمەگەنىن ددسۇ دا راستادى. وتانداستارىمىزدى جاپپاي اۋرۋعا شالدىعۋدان ساقتانىپ، ىندەتتەن قورعانۋ امالىن (اراقاشىقتىقتى ساقتاۋ، دەزينفەكتسيا، جەكە تازالىق، بەتپەردە تاعۋ) ۇستانۋعا تاعى دا شاقىرامىن", - دەيدى.

 

"The Qazaq Times"