اقش پەن ەۋرووداق ۋكرايناعا قارجىلىق كومەك كورسەتەدى. بۇل تۋرالى ۋكرايناداعى يۋسايد كەڭسەسى حابارلادى.

امەريكانىڭ حالىقارالىق دامۋ اگەنتتىگى (يۋسايد) ۋكرايناعا كوروناۆيرۋستىڭ تارالۋىنا قارسى تۇرۋ ءۇشىن 1,2 ميلليون دوللار ءبولدى.

رەسمي مالىمدەمەدە: «اقش ۇكىمەتى ۋكرايناعا COVID-19 تارالۋىن شەكتەۋ ءۇشىن مەديتسينالىق جانە گۋمانيتارلىق كومەك كورسەتتى. يۋسايد ۋكراينا رەسۋرستارىمەن، گۋمانيتارلىق كومەك سالاسىنداعى حالىقارالىق سەرىكتەستەرمەن جانە باسقا دا مۇددەلى تاراپتارمەن وسى رەسۋرستاردى پايدالانۋدىڭ باسىم باعىتتارىن انىقتاۋ ماقساتىندا قارجىلىق قولداۋ ۇلەستىرەدى»، — دەلىنگەن حابارلامادا.

ال ەۋروپالىق وداق ۋكرايناعا قارجىلىق قولداۋ تۋرالى شەشىم قابىلداا، كيەۆكە پاندەميامەن كۇرەسۋ ءۇشىن 80 ميلليون ەۋرو ءبولدى.

سوڭعى دەرەكتەر بويىنشا، ۋكراينادا 528 ادام دەرتكە شالدىعىپ، 13 ادام اجال قۇشقان. 17 ناۋرىزدان 24 ساۋىرگە دەيىن ەلدە كارانتين جاريالاندى، 26 ناۋرىزدان بۇكىل اۋماقتا توتەنشە جاعداي رەجيمى ەنگىزىلدى.

بۇعان دەيىن ۋكراينانىڭ پرەمەر-ءمينيسترى دەنيس شميگال ەلدە كوروناۆيرۋستىق ينفەكتسيامەن جانە ونىڭ سالدارىمەن كۇرەسۋ ءۇشىن ەلدە 200 ميلليارد گريۆەن (شامامەن 7,2 ميلليارد دوللار) مولشەرىندە تۇراقتاندىرۋ قورىن قۇرامىز دەپ مالىمدەگەن.

"The Qazaq Times"