ۋكراينا پرەزيدەنتى ۆلاديمير زەلەنسكي 27 ناۋرىزعا دەيىن ەلگە ورالماعان بارلىق ۋكرايندىقتار ءۇشىن مەملەكەتتىك شەكارانى جابۋ تۋرالى شەشىم قابىلدادى. بۇعان سەبەپ — كوروناۆيرۋس پاندەمياسى.
«27 ناۋرىز، جۇمانىڭ اياعىندا مەملەكەتتىك شەكارا جابىلىپ، بارلىق جولاۋشىلار تاسىمالى توقتاتىلادى. كۇتۋگە ۋاقىت جوق. ۇكىمەتكە شەتەلدە جۇرگەن ازاماتتار مەن ەلدەگى 40 ميلليون ازامات اراسىندا قيىن تاڭداۋ بولدى. مەملەكەت رەتىندە ءبىزدىڭ مىندەتىمىز — ەلدەگى ءاربىر ۋكرايندىقتىڭ قاۋىپسىزدىگىن قامتاماسىز ەتۋ»، — دەدى ۋكراينا پرەزيدەنتى.
زەلەنسكي ەكى اپتا بۇرىن شەتەلدە جۇرگەن ەل ازاماتتارىنا كوروناۆيرۋس دەرتىنىڭ ءورشۋى سەبەپتى تەز ارادا ۋكرايناعا ورالۋدى ەسكەرتكەن. سودان بەرى 80 مىڭنان استام ازامات ەلگە قايتقان.
ونىڭ ايتۋىنشا، شەتەلدەگى ديپلوماتيا وكىلدىكتەرى مەن ۋكراين قاۋىمداستىقتارى الداعى ەكى كۇندە ەلگە ورالا الماعان ازاماتتارعا كومەك كورسەتەتىن بولادى.
قازىرگى ۋاقىتتا COVID-19 ۆيرۋسىن جۇقتىرعاندار سانى الەم بويىنشا 510 مىڭنان اسىپ كەتتى. ۋكراينادا 156 ادام دەرتكە شالدىقسا، 5 ادام قايتىس بولعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى