كورنەكى سۋرەت. فوتو: سپۋتنيك

قازاقستاندا كوروناۆيرۋس جۇقتىرعاندار سانى 8-گە جەتتى. 

«بۇگىن تاڭەرتەڭ كوروناۆيرۋس جۇقتىرعان تاعى ەكى ادام تىركەلدى. ءبىرى – ايەل ادام، ەكىنشىسى – ەر ادام. 1959 جىلعى ايەل الماتىداعى ينفەكتسيالىق اۋرۋحاناعا جاتقىزىلدى. ول – تاياۋدا ماسكەۋدەن ۇشىپ كەلگەن، كوروناۆيرۋس جۇقتىرعان ەر ادامنىڭ جۇبايى»، – دەدى دەنساۋلىق ساقتاۋ ءمينيسترى ەلجان ءبىرتانوۆ.

ەكىنشى ناۋقاس 1995 جىلعى جىگىت كەشە وڭتۇستىك كورەيا استاناسى سەۋلدەن الماتىعا ۇشىپ كەلگەن. ءمينيستردىڭ سوزىنشە، ناۋقاسپەن بىرگە ۇشىپ كەلگەن جولاۋشىلار اۋەجايدان بىردەن كارانتينگە جاتقىزىلعان.

قازىر قازاقستاندا 1425 ادام ستانتسيونارلىق، ال 545 ادام ءۇي كارانتينىندە جاتىر.

ساراپشىلاردىڭ ايتۋىنا قاراعاندا، الداعى اپتادا استانا مەن الماتى قالاسىندا جاپپاي كۇشەيتىلگەن رەجيم ەنگىزىلۋى مۇمكىن.

مينيسترلىك اقپاراتى. فوتو: دسم

"The Qazaq Times"