«ددسۇ كوروناۆيرۋستى پاندەميا دەپ جاريالادى. ۇكىمەت ارنايى الدىن الۋ شارالارىن قولعا الادى. قوعامدىق ءىس-شارالار ۋاقىتشا توقتاتىلادى. ازاماتتار ازىق-تۇلىكپەن جانە ەڭ قاجەتتى تاۋارلارمەن ۇزدىكسىز قامتىلادى. شاعىن جانە ورتا بيزنەس زارداپ شەكپەۋى ءتيىس. ەڭ باستىسى – ازاماتتارىمىزدىڭ دەنساۋلىعى. ءبىز قيىنشىلىقتاردى #Birge ەڭسەرەمىز»، – دەپ جازدى پرەزيدەنت.
ۆەدومستۆوارالىق جۇمىس توبى مىناداي شەشىم قابىلدانعانىن مالىمدەدى:
- مەرەكەلىك، سپورتتىق، مادەني شارالار، كونفەرەنتسيالار، كورمەلەر وتكىزۋگە تىيىم سالىنادى;
- دەنساۋلىق ساقتاۋ، ءبىلىم بەرۋ وبەكتىلەرىندە جانە قوعامدىق كوپشىلىك ورىنداردا، حالىقتى قامتاماسىز ەتۋ ورتالىقتارى، كوممۋنالدىق شارۋاشىلىق، تاماق ونەركاسىبى، ساۋدا، بازارلاردا قوعامدىق تاماقتانۋ، ۆوكزالدار، اۋەجايلار، قوناق ۇيلەردە كۇشەيتىلگەن سانيتارلىق ديزەنفەكتسيالىق رەجيم ورناتۋ;
- قارتتار مەن مۇمكىندىگى شەكتەۋلى جاندارعا ارنالعان مەديتسينالىق-الەۋمەتتىك نىساندارعا، الەۋمەتتىك وڭالتۋ ورتالىقتارىنا، مۇگەدەك بالالارعا ارنالعان وقۋ ورىندارىنا بارۋعا تىيىم سالىنىپ، وندا كۇشەيتىلگەن سانيتارلىق- ديزەنفەكتسيالىق رەجيم ەنگىزىلەدى;
- كانيكۋل كەزىندە وقۋشىلارعا وڭىردەن تىس جەرلەرگە ەكسكۋرسيا جاساۋعا تىيىم سالىنىپ، قوعامدىق كولىكتەردى جۋ-دەزينفەكتسيالاۋ جۇرەدى.
بۇعان دەيىن باس سانيتارلىق دارىگەر جانداربەك بەكشين وسى كۇندەرى قازاقستاندا قاتەرلى ۆيرۋستى جۇقتىرعاندار تىركەلەتىنىن بولجاعان ەدى. مۇنى دەنساۋلىق ساقتاۋ ءمينيسترى ەلجان ءبىرتانوۆ تا راستاپ، بيلىكتىڭ «ب» جوسپارىنا دايىن ەكەنىن حابارلاعان.
سونداي-اق ۆيتسە-پرەمەر ەرالى توعجانوۆ «2020 جىلدىڭ 16 ناۋرىزىنان 5 ساۋىرىنە دەيىن ورتا ءبىلىم بەرۋ مەكەمەلەرى ۋاقىتىنان بۇرىن دەمالىسقا شىعادى. 16-سىنان باستاپ تەحنيكالىق جانە كاسىبي ءبىلىم بەرۋ جانە جوو-لار قاشىقتان وقىتۋ تۇرىنە كوشەدى»، – دەدى .
بۇگىن دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادانوم گەبرەيسۋس كوروناۆيرۋس ينفەكتسياسىنىڭ تارالۋىن پاندەميا دەپ مالىمدەدى.
جەنەۆادا وتكەن بريفينگ كەزىندە ۇيىم وكىلدەرى: «الداعى تاياۋ كۇندەرى جانە وسى اپتادا COVID-19-ءتى جۇقتىرۋ فاكتىلەرى، ءولىم جاعدايلارى جانە زارداپ شەككەن ەلدەر سانى بۇدان دا ارتاتىنىن بولجاپ وتىرمىز. ءبىز COVID-19 ينفەكتسياسىنىڭ تارالۋىن پاندەميا دەپ سيپاتتاۋعا بولادى دەگەن تۇجىرىمعا كەلدىك»، – دەدى.
بۇگىنگى دەرەكتەر بويىنشا، الەمدە قاۋىپتى ۆيرۋستى جۇقتىرعاندار سانى 124997 ادامعا جەتكەن. قايتىس بولعاندار سانى – 4622 ادام.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى