كوروناۆيرۋستىڭ ورشۋىنە بايلانىستى تۇركيادان كەيىن تاجىكستان دا يرانمەن اراداعى شەكارانى جاۋىپ، اۋە قاتىناسىن توقتاتتى. 

تاجىكستان ازاماتتىق اۆياتسياسى اگەنتتىگى ديرەكتورىنىڭ ءبىرىنشى ورىنباسارى ءازيز ءنابيزودانىڭ ايتۋىنشا، يرانمەن اۋە قاتىناسى 24 اقپاننان باستاپ توقتاعان. بۇل جونىندە يراننىڭ Varesh Airlines اۋە كومپانياسى مەن تاجىكستاننىڭ Tajik Air جانە Somoni Air اۋە كومپانيالارىنا ەسكەرتىلگەن.

يراندا جاڭا ءتيپتى كوروناۆيرۋستى 43 ادامنىڭ جۇقتىرعانى انىقتالسا، قاتەرلى ۆيرۋس سالدارىنان قازا تاپقانداردىڭ سانى سەگىزگە جەتتى. رەسمي مالىمەتتەر بويىنشا، يران قىتايدان كەيىن كوروناۆيرۋس دەرتىنەن ەڭ كوپ جاپا شەككەن ەل قاتارىنا ەنگەن.

"The Qazaq Times"