يراندا ون ءبىرىنشى پارلامەنتتىك سايلاۋ اياقتالدى.

يرنا اقپارات اگەنتتىگىنىڭ حابارلاۋىنشا، بۇل جولى 7 مىڭنان استام ۇمىتكەر 290 ماندات بويىنشا باق سىناعان. سايلاۋ ناتيجەلەرى الداعى اپتادا ءمالىم بولماق.

يران كونستيتۋتسياسىنا سايكەس، 18 جاستان اسقان سايلاۋشىلار عانا داۋىس بەرە الادى. پارلامەنت دەپۋتاتتارى 4 جىلعا سايلانادى. يراننىڭ جاڭا پارلامەنتى ءوز جۇمىسىن 2020 جىلدىڭ مامىر ايىنىڭ سوڭىندا باستايدى.

وسىعان دەيىن يراننىڭ سايلاۋ وتكىزۋ شتابىنىڭ باسشىسى دجامال ورف 83 ملن يران ازاماتىنىڭ اراسىندا تەك 57 ملن 918 مىڭ ادامنىڭ داۋىس بەرۋ قۇقىعىنا يە ەكەنىن حابارلاعان. ساراپشىلاردىڭ بولجامىنشا، بيىل 2 ملن 931 ادام سايلاۋعا العاش رەت قاتىسقان.

"The Qazaq Times"