حاينان پروۆينتسياسىنىڭ دەنساۋلىق ساقتاۋ كوميتەتى كوروناۆيرۋستان ءبىر ادام قازا تاپقانىن حابارلادى.

قازا بولعان ازامات كۋرورتتىق ارالعا ۋحان قالاسىنان كەلگەن 80 جاستاعى ايەل. 27 قاڭتارداعى تاڭەرتەڭگى جاعداي بويىنشا، حاينان پروۆينتسياسىندا اۋرۋ جۇقتىرعان 31 ادام انىقتالعان، ءتورت ادام اۋىر حالدە جاتىر. ىندەت ەڭ كوپ تاراعان ەلدى مەكەندەر – تانىمال تۋريستىك سانيا قالاسى (10 جاعداي), حايكوۋ قالاسى (6 جاعداي) جانە ۆاننين قالاسى (7 جاعداي).

2019 جىلدىڭ جەلتوقسانىنان باستاپ قىتايدا بەلگىسىز كوروناۆيرۋستىڭ تارالۋىنان كەيىن ەل بيلىگى حۋبەي پروۆينتسياسىنداعى ون قالانى «كارانتينمەن جاۋىپ» تاستادى. بۇگىنگى جاعداي بويىنشا، قىتايدا كوروناۆيرۋستان 80 ادام كوز جۇمعان.

"The Qazaq Times"