بۇگىن اقپارات جانە قوعامدىق دامۋ ءمينيسترى داۋرەن اباەۆ مەملەكەت باسشىسى قاسىم-جومارت توقاەۆتىڭ تاپسىرماسىنا وراي بيىل ءوتۋى ءتيىستى 800-دەن استام شارانىڭ قىسقارعانىن حابارلادى. 

مينيسترلىكتىڭ كەڭەيتىلگەن القا وتىرىسىندا اباەۆ «ءبىز ابايدىڭ 175 جىلدىعىن، ەل تاۋەلسىزدىگى كۇنىن اتاپ وتەمىز. پرەزيدەنت توقاەۆ اتالعان فورۋمداردىڭ ىشكى مازمۇنى جايىندا ايتقان بولاتىن. ال بۇل باسقا ماسەلە. تاۋەلسىزدىك كۇنىنىڭ 30 جىلدىعى اياسىندا ءتۇرلى مەرزىمدەرى بار ۇسىنىستاردى جيناقتاپ جاتىرمىز. سىزدەر الدىن الا جۇمىستاردى بايقامايسىزدار. بۇل جوسپار قازىرگى ۋاقىتتا 89-90 تارماقتان تۇرادى، ال باستاپقىدا 900 تارماق بولاتىن. ءبىز 800-دەن استام ءتۇرلى شارانى الىپ تاستادىق. بۇل جۇمىستاردىڭ بارلىعىن جۇرگىزدىك، فورۋمدار مەن سەمينارلار ايتارلىقتاي قىسقاردى»، – دەدى.

سونىمەن قاتار جۋرناليستەردىڭ تالاپ-ارىزىنا ءجيى مويىن بۇرا بەرمەيتىن مينيستر اقپان ايىندا قازاقستان تاۋەلسىزدىگىنىڭ 30 جىلدىعىن مەرەكەلەۋگە ارنالعان تۇجىرىمداما مەن ءىس-شارالار جوسپارىن بەكىتۋ جوسپارلانىپ جاتقانىن جەتكىزدى.

"The Qazaq Times"