ەو يرانمەن تاياۋ شىعىستاعى احۋالدى جانە يادرولىق كەلىسىمدى تالقىلادى.

ەۋرووداقتىڭ سىرتقى ىستەر جانە قاۋىپسىزدىك ساياساتى بويىنشا جوعارعى وكىلى جوزەپ بوررەل يراننىڭ سىرتقى ىستەر ءمينيسترى مۇحامماد دجاۆاد زاريفپەن كەزدەستى. ۆۆس-ءدىڭ حابارلاۋىنشا، باسقوسۋ ۇندىستانداعى «رايسين ديالوگى - 2020» حالىقارالىق كونفەرەنتسياسى اياسىندا وتكەن.

تاراپتار تەھراننىڭ يادرولىق باعدارلاماسى مەن تاياۋ شىعىستاعى احۋالدى تالقىلادى. ەۋرووداق وكىلى ايماقتاعى شيەلەنىستى توقتاتۋعا ۇلەسىن قوسۋعا نيەتتى ەكەنىن جەتكىزدى.

31 جەلتوقساندا اقش-تىڭ باعداتتاعى ەلشىلىگى الدىندا نارازىلىق شاراسى بولىپ، شەرۋشىلەردىڭ الدى ەلشىلىك عيماراتىنا شابۋىلداعان. يسلام رەۆوليۋتسياسى ساقشىلار كورپۋسىنىڭ «قۇدس كۇشتەرى» ارنايى جاساعىنىڭ قولباسشىسى سۇلەيماني 3 قاڭتاردا باعداتتاعى اقش-تىڭ اۋە شابۋىلى كەزىندە مەرت بولعان. كەيىننەن يران يادرولىق كەلىسىمنەن شىعاتىنىن مالىمدەدى.

"The Qazaq Times"