بيىل ەلىمىزدە تەرروريزم مەن ءدىني ەكسترەميزمگە قاتىستى 140 ادام سوتتالعان.

2019 جىلى قازاقستاندا 907 ادام دەراديكالدانۋ كۋرسىنان ءوتتى. جىل قورىتىندىسىنا ارنالعان ءباسپاسوز ماسليحاتىنتاعى انتيتەررورلىق ورتالىعى شتاب باستىعىنىڭ ءبىرىنشى ورىنباسارى سەرگەي شۆەيكيننىڭ سوزىنشە, بۇل كورسەتكىش سوتتالعانداردان 6,5 ەسە كوپ.

ول قىلمىستىق ءىس راديكالدى سەنىمىنەن قايتپايتىن، زاڭ بۇزۋى مۇمكىن دەگەن كۇدىكتىلەرگە عانا جۇرگىزىلگەن دەيدى. رەسمي ۋاكىلدىڭ ايتۋىنشا، تۇرمەدە وتىرعان 162 سوتتالۋشى راديكالدى باعىتتان باس تارتقان كورىنەدى.

قازىرگى تاڭدا تەرروريستىك ارەكەتتەرگە قاتىسى جوق ايەلدەر مەن بالالارعا ارنالعان بەيىمدەۋ-ءتۇسىندىرۋ جۇمىستارى جالعاسىپ جاتىر. ول راديكالدى تۇسىنىكتەن ارىلتۋ وڭاي ەمەس ەكەنىن، رەسپوندەنتتەرمەن كاسىبي پسيحولوگ-تەولوگتار اينالىسىپ جاتقانىن ايتادى.

«جاسالعان امالداردىڭ ناتيجەسىندە، بۇگىنگى تاڭدا 22 ايەل زايىرلى ءومىر سالتىن قايتا قابىلداعان، 33-ءى ءداستۇرلى يسلام نورمالارىن ۇستانۋعا كوشتى، ال قالعانىنا تۇسىندىرمە جۇمىستارى جالعاسىپ جاتىر»، – دەيدى سەرگەي شۆەيكين.

بيىل تەرروريستىك ايىبى ءۇشىن ىزدەۋدە جۇرگەن 31 شەتەلدىك ۇستالىپ، ءوز ەلدەرىنە قايتارىلدى.

شەتەلدەگى سوعىس وشاقتارىندا ازىرگە 40-قا جۋىق قازاقستاندىق، ولاردىڭ 65-كە تارتا ايەل-بالا-شاعاسى تەرروريستىك ۇيىمداردىڭ قۇرامىندا ءجۇر دەسەدى. تەرروريزماگە قارسى قىزمەت ۋاكىلىنىڭ سوزىنە سەنسەك، ءتيىستى ورگاندار الماتى مەن قاراعاندى وبلىستارىندا تەراكتى جاساۋعا دايىندىق كەزەڭىندەگى 3 جاعدايدى انىقتاپ، الدىن العان. لاڭكەستىك جاساۋعا وقتالعان كۇدىكتىلەر قۇقىق قورعاۋ ورگاندارىنا شابۋىلداماق بولعان.

تەررورلىق اكتىلەردىڭ جوسپارىن ازىرلەۋگە قاتىسقاندار 6 جىلدان 18 جىلعا دەيىن باس بوستاندىعىنان ايىرىلىپتى. بۇدان بولەك، ەلىمىزدىڭ ءارتۇرلى ايماقتارىندا جەتى راديكالدى توپتىڭ جانە 34 قىلمىسكەردىڭ جولى كەسىلگەن. تەرروريزم مەن ءدىني ەكسترەميزمگە بايلانىستى قىلمىستارى ءۇشىن بارلىعى 140 ادام سوتتالعان. كۇنى كەشە استانا سوتى سيريادا «تەررورلىق توپ قۇرامىندا قاتىستى» دەپ ايىپتالعان 14 ادامعا ۇكىم شىعارىپ، ولاردى 8 جىلدان 14 جىلعا دەيىنگى ارالىقتا تۇرمە جازاسىنا كەستى.

ينتەرنەت ۆەب-رەسۋرستارىندا 14,5 مىڭنان استام تەرروريستىك ماندەگى كونتەنت سىلتەمەلەرى انىقتالىپ، ولاردى جويۋ جالعاسىپ جاتقان كورىنەدى.

وسىلايشا 2018-2022 ج.ج. ارنالعان «ءدىني ەكسترەميزم مەن تەرروريزمگە قارسى ءىس-قيمىل جونىندەگى» مەملەكەتتىك باعدارلاماسى ويداعىداي جۇزەگە اسىرۋدامىز دەگەن ۆەدومستۆو وكىلدەرىنىڭ سوزىنە كۇمانمەن قارايتىن ازاماتتار دا تابىلادى.

وتكەن ايدا عانا شۆەيكين ءدىنتانۋشىلردىڭ ءحى فورۋمىندا قازاقستانداعى دەسترۋكتيۆتى اعىمدى ۇستانۋشىلاردىڭ سانى 20 مىڭنان اساتىنىن مالىمدەگەن ەدى. ال بىلتىر شىلدەدە قازاقستاننىڭ ۇلتتىق قاۋىپسىزدىك كوميتەتى سيريا مەن يراكتا سوعىس باستالعالى تاياۋ شىعىسقا 800-گە تارتا قازاقستاندىق كەتكەنىن حابارلاعان.

"The Qazaq Times"