امەريكالىق Time جۋرنالى 16 جاستاعى ەكوبەلسەندى گرەتا تۋنبەرگتى «جىل ادامى» دەپ اتادى. شۆەد وقۋشىسى تۋنبەرگ ساياساتكەرلەردىڭ كليماتتىڭ وزگەرۋى ماسەلەسىنە ءمان بەرۋى ءۇشىن وتكىزىلگەن اكتسيالاردىڭ ۇيىمداستىرۋشىسى رەتىندە تانىلعان.

سونىمەن قاتار، اتالعان نوميناتسيا ۇمىتكەرلەرىنىڭ قاتارىندا ۇمىتكەرلەرىنىڭ تىزىمىندە اقش وكىلدەر پالاتاسىنىڭ سپيكەرى نەنسي پەلوسي، اقش پرەزيدەنتى دونالد ترامپ، ترامپقا يمپيچمەنت جاريالاۋ ىسىنە تۇرتكى بولعان شاعىمدى تۇسىرگەن ارنايى قىزمەت وكىلدەرى جانە گونكونگتاعى قارسىلىق اكتسيالارىنىڭ قاتىسۋشىلارى دا بولعان.

گرەتا تۋنبەرگ وتكەن جىلى وقۋشىلار ەرەۋىلىن ۇيىمداستىرىپ، كوپشىلىككە تانىلا باستادى. ونىڭ باستاماسىمەن شۆەتسيادا وقۋشىلار جۇما كۇنى ساباقتىڭ ورنىنا كليماتتىق وزگەرىستەرمەن كۇرەسكە شاقىراتىن اكتسيا وتكىزگەن. بيىل بۇل قوزعالىس دامىپ، الەمنىڭ ونداعان ەلىندە قولداۋ تاپتى. ءىرى كولەمدە وتكەن تابيعاتتى قورعاۋ اكتسيالارىنا ميلليونداعان ادام قاتىستى.

جۋرنال رەداكتسياسى تۋنبەرگتىڭ كليماتتىڭ وزگەرۋىنە قارسى كۇرەسكەن ەڭبەگىن عانا ەمەس، وزگە ەلدەردەگى قاتارلاستارىنا ۇلگى بولىپ، ولاردى قوعامدىق ىسپەن اينالىسۋعا يتەرمەلەگەنىن دا اتاپ وتكەن.

Time: وتكەنگە شولۋ

ەكى جىل بۇرىن «جىل ادامى» رەتىندە تۇرمىستىق زورلىق-زومبىلىقتىڭ نەمەسە الەۋمەتتىك تەڭسىزدىكتىڭ قۇرباندارى بولعان ايەلدەر تانىلدى. #MeToo حەشتەگىمەن وتكىزىلگەن اكتسيا عالامتور ارقىلى ۇلكەن تانىمالدىققا يە بولعان. بىلتىر ۇزدىكتەر قاتارىندا كولۋمنيتس جامال حاشوگگي، فيليپپيندىك وپپوزيتسيالىق پورتال رەداكتورى ماريا رەسسا، ميانماداعى روحيندجا مۇسىلماندارىنا قاتىستى زورلىق-زومبىلىقتى تەرگەگەنى ءۇشىن سوتتالعان «Reutەrs» اگەنتتىگىنىڭ جۋرناليستەرى ۆا لون جانە كيا سو، سونداي-اق قارۋلى قاقتىعىستان قازا تاپقان امەريكاندىق «Capital Gazette» رەداكتسياسىنىڭ ۇجىمى كىردى.

جۋرنالدىڭ داستۇرگە اينالعان قۇرمەتتى اتاعى العاش رەت 1927 جىلى بەرىلدى جانە باستاپقىدا «جىلدىڭ ۇزدىك ەر ادامى» دەپ اتالدى. ال 2011 جىلى جۋرنال اراب كوكتەمىنىڭ الەم ءۇشىن ءمانىن اتاپ ءوتىپ، وسى كوتەرىلىسكە شىققانداردى «جىل ادامى» دەپ جاريالادى.

"The Qazaq Times"