بىرىككەن ۇلتتار ۇيىمىنىڭ جاسىل كليمات قورى پارنيكتىك گازداردى ازايتۋعا 1 ميلليارد 870 ميلليون دوللاردان استام قاراجات بولمەك. بۇل جونىندە جاسىل كليمات قورىنىڭ اعا مامانى لەو پاك مالىمدەدى.

اتالعان ۇيىم ەۋروپالىق قايتا قۇرۋ جانە دامۋ بانكىمەن بىرلەسىپ، قازاقستانداعى جاڭارتىلاتىن ەنەرگيا كوزدەرى جوبالارىنا 557 ميلليون اقش دوللار ينۆەستيتسيا قۇيعان. وسى قاراجاتقا قاراعاندى وبلىسىندا 40 مەگاۆاتت كۇن ەلەكتر ستانتسياسى ىسكە قوسىلدى. سونىمەن قاتار، شىعىس قازاقستان وبلىسىنىڭ جانعىزتوبە اۋىلىندا كۇن ەلەكتر ستانتسياسىن سالۋعا 16 ميلليون 700 مىڭ دوللار كولەمىندە نەسيە بەرىلگەن. جاسىل كليمات قورى مەن ەۋروپالىق قايتا قۇرۋ جانە دامۋ بانكى قازاقستاندا 11 جاسىل جوبانى جۇزەگە اسىرۋدى جوسپارلاپ وتىر. جاسىل ستانتسيالار قازاقستانداعى كومىرقىشقىل گازىن شىعارۋدى 13 ميلليون تونناعا ازايتادى دەگەن بولجام بار.

قوردىڭ جوسپارلارى شتاب-پاتەرى ورنالاسقان وڭتۇستىككورەيالىق ينچوندا حالىقارالىق سەميناردا قارالادى. الەم بويىنشا ءبىزدىڭ 95 تىركەلگەن ۇيىمى بار قورمەن قازاقستان 3 جىلدان بەرى بايلانىستا. رەسمي مالىمەتتەر بويىنشا، 2019 جىلدىڭ وزىندە بۇۇ-نىڭ جاسىل كليمات قورى 124 جوبا ماقۇلداعان. ولاردىڭ جالپى سوماسى 5 ميلليارد 600 ميلليون دوللار.

"The Qazaq Times"