رەسەي ۇشاقتارى يدليبكە اۋەدەن سوققى جاسادى.
Politico مالىمەتىنشە، رەسەيدىڭ اۋە كۇشتەرى 4 اۋدانعا سوققى بەرگەن. سالدارىنان 2 بەيبىت تۇرعىن قازا تاۋىپ، ونداعان ازامات جاراقات الدى. قازىر وقيعا ورنىندا ازاماتتىق قورعانىس بريگادالارى زارداپ شەككەن تۇرعىندارعا مەديتسينالىق كومەك كورسەتىپ، ءۇيىندى استىندا قالعانداردى قۇتقارىپ جاتىر.
22 قازاندا رەسەي مەن تۇركيا پرەزيدەنتتەرى سوچيدە وتكەن كەزدەسۋدە ءسۇريانىڭ سولتۇستىك-شىعىسىنداعى جاعدايدى رەتتەۋ بويىنشا بىرلەسكەن ارەكەتتەر تۋرالى مەموراندۋم قابىلدادى. كۇرد قارۋلى كۇشتەرىنە 29 قازاندا تۇركيا شەكاراسىنان وڭتۇستىككە قاراي 30 شاقىرىمدىق ايماقتى تولىعىمەن بوساتۋ تاپسىرىلدى. ۋلتيماتۋمنىڭ اياقتالعان كۇنى رەسەيدىڭ قورعانىس ءمينيسترى سەرگەي شويگۋ كۇرد قارۋلى قۇرىلىمدارىنىڭ قاۋىپسىزدىك ايماعىنان شىعارىلۋى مەرزىمىنەن بۇرىن اياقتالعانىن حابارلادى.
كەيىننەن رەسەي ءسۇريانىڭ سولتۇستىك-باتىسىندا ورنالاسقان يدليب پروۆينتسياسىندا تەررورلىق توپتارعا قارسى اسكەري وپەراتسيانى قولعا العان بولاتىن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى