پەتروپاۆلدا ناۋرىز مەيرامى قارساڭىندا  قازاقتىڭ ۇلى جازۋشىسى، ەڭبەك ەرى، وسى ءوڭىردىڭ تۋماسى عابيت مۇسىرەپوۆتىڭ 115 جىلدىعىنا وراي رەسپۋبليكالىق اقىندار  ايتىسى ءوتتى.

بۇل بايقاۋعا رەسپۋبليكانىڭ 9 وبلىسىنان سۋىرىپ-سالما اقىندارى قاتىستى.

سايىستىڭ باس جۇلدەسى – گران-پري مەن 600 مىڭ تەڭگەنى ءتۇرلى حالىقارالىق اقىندار سايىسىنىڭ جۇلدەگەرى پاۆلودار وبلىسىنان كەلگەن اسپانبەك شۇعاتاەۆ جەڭىپ الدى.

گران-ءپريدى ۇتىپ العان ايتىسكەر اقىن اسپانبەك شۇعاتاەۆ

1 ورىن مەن 400 مىڭ تەڭگەنى قاراعاندىلىق سۋىرىپ-سالما اقىنى ماقسات اقانوۆ يەلەندى.

2 ورىن ەكى جۇلدە: «ەر جانىبەك» حالىقارالىق قوعامدىق قورى تاعايىنداعان «تۇرسىنبەك كاكىشەۆ» اتىنداعى 300 مىڭ تەڭگە سىيلىقتى قىزىلوردادان كەلگەن ءمولدىر ايتباي يەلەنسە، تاعى ءبىر 300 مىڭ تەڭگەلىك جۇلدەنى سولتۇستىك قازاقستاندىق مۇحامەد قوڭقاەۆ الدى.

جۇلدەلى 3 ورىن  العان شىعىس قازاقستان وبلىسىنان كەلگەن نۇرجان ومىرباەۆقا  ماعجان جۇماباەۆ اۋدانى اكىمدىگىنەن   ەرىك اسقاروۆتىڭ اتىنان ارنايى سىيلىق پەن 200 مىڭ تەڭگەنى يەمدەنسە ەندى ءبىر 200 مىڭ تەڭگەنى   قاراعاندى وبلىسىنىڭ وكىلى – ديدار قاميەۆ يەمدەندى.

“The Qazaq Times”