فوتو: https://netstorage-nur.akamaized.net

بەلارۋس پرەزيدەنتى الەكساندر لۋكاشەنكو 24-25 قازاندا قازاقستانعا رەسمي ساپارمەن كەلمەك. بۇل تۋرالى بەلارۋس رەسپۋبليكاسى باسشىسىنىڭ رەسمي سايتى حابارلادى.

جوسپارعا سايكەس، لۋكاشەنكو نۇر-سۇلتان قالاسىندا قازاقستاندىق ارىپتەسى قاسىم-جومارت توقاەۆپەن كەلىسسوزدەر وتكىزەدى. تاراپتار ونەركاسىپتىك كووپەراتسيانى دامىتۋ، ەكونوميكانىڭ ءتۇرلى سالاسىندا، ونىڭ ىشىندە اۋىل شارۋاشىلىعى، كولىك جانە لوگيستيكا، مۇناي-حيميا كەشەنى، جوعارى تەحنولوگيالار سالاسىندا ىنتىماقتاستىقتى كەڭەيتۋ كەلەشەگىن قاراستىرماق سونىمەن قاتار، اعىن جانە كەڭەيتىلگەن قۇرامداعى كەزدەسۋدە مەملەكەتارالىق قارىم-قاتىناستى دامىتۋ ماسەلەسىن تالقىلايدى.

كەلىسسوزدەر ناتيجەسىندە بىرقاتار ەكىجاقتى كەلىسىمگە قول قويىلادى دەپ كۇتىلۋدە. ءدال وسى ۋاقىتتا ەل استاناسىندا قازاقستان-بەلارۋس بيزنەس-فورۋمى جوسپارلانعان.

"The Qazaq Times"