بۇگىن پارلامەنت ماجىلىسىندەگى ۇكىمەت ساعاتىندا بەلگىلى جوو-نىڭ مۇشكىل ءحالى تۋرالى ايتىلدى. قازاقستاندىق عىلىمنىڭ قوزعاۋشى كۇشىنىڭ ءبىرى اكادەميك ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ جىلىتۋ ماسەلەسى جىلدار بويى وڭ شەشىم تاپپاعان.
باسشىلىق 1997 جىلدان بەرى ءبىلىم بەرۋ نىسانىن سولياركامەن جىلىتىپ كەلەدى. بۇل ءۇشىن جىلىنا شامامەن 500 ميلليون تەڭگە كولەمىندە قاراجات جۇمسالادى. ءبىلىم ءمينيسترى اسحات ايماعامبەتوۆ قارمۋ وقىتۋشى-پروفەسسورلار قۇرامى شامامەن 65-70 مىڭ تەڭگە ارالىعىندا ەڭبەكاقى الاتىنىن راستادى.
ءمينيستردىڭ سوزىنشە، قازىر ۆەدومستۆو وبلىس اكىمدىگىمەن بىرلەسە وتىرىپ، وقۋ ورنىن اۆتونومدى ورتالىق جىلىتۋ جۇيەسىنە قوسۋ شارالارى جۇرگىزىپ جاتىر. بۇعان شامامەن 1,5 ميلليارد تەڭگە كەرەك كورىنەدى.
قازاقستان تاريحىنداعى ەكىنشى جوعارى وقۋ ورنى، وتاندىق توپ-20 جوو تىزىمىندە 4-ورىندا تۇراتىن اكادەميك ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە قازىرگى تاڭدا 14 فاكۋلتەتتە 20 مىڭنان استام ستۋدەنت ءبىلىم الىپ جاتىر.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى