قازاقستان مەن قىرعىزستان اراسىنداعى ساۋدا بايلانىسىن ارتتىرۋ تۋرالى قۇجات قابىلداندى. بۇل جونىندە قر يندۋستريا جانە ينفراقرىلىمدىق دامۋ ءمينيسترى بەيبىت اتامقۇلوۆ مالىمدەدى.
وسى رەتتە پارلامەنت ءماجىلىسىنىڭ جالپى وتىرىسىندا «2003 جىلعى 25 جەلتوقسانداعى قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى مەملەكەتتىك شەكارا ارقىلى وتكىزۋ پۋنكتتەرى تۋرالى كەلىسىمگە قول قويىلدى. ب.اتامقۇلوۆ سوزىندە: «ارنايى حاتتامادا سارىتوبە جانە اۋقاتتى اۆتوموبيل وتكىزۋ پۋنكتتەرىنىڭ مارتەبەسىن ەكىجاقتىدان «كوپجاقتى حالىقارالىققا» اۋىستىرۋ ەسكەرىلگەن. سونىمەن قاتار، «نوۆوۆوسكرەسەنوۆكا» وتكىزۋ بەكەتىنىڭ اتاۋىن «سىپاتاي باتىر» دەپ وزگەرتۋ كوزدەلگەن. بۇل شارالار ءوز كەزەگىندە قاراسۋ جانە قورداي اۆتوموبيل وتكىزۋ بەكەتتەرىندەگى كولىك اعىنىن جەڭىلدەتۋگە مۇمكىندىك بەرە وتىرىپ، قازاقستان جانە قىرعىزستان اراسىنداعى ساۋدا-ەكونوميكالىق قاتىناستىڭ ودان ءارى دامۋىن جاقسارتادى. سونداي-اق ورتالىق ازيا مەملەكەتتەرىنىڭ تاۋار اينالىمىنا وڭ اسەرىن بەرەدى»، – دەپ اتاپ ءوتتى.
مالىمەتتەر بويىنشا، قازىرگى ۋاقىتتا ەكى ەل اراسىندا 11 اۆتوموبيل وتكىزۋ بەكەتى بار: بەسەۋى – كوپجاقتى حالىقارالىق، ال التاۋى – ەكىجاقتى. ەكىجاقتى وتكىزۋ بەكەتتەرىنىڭ تورتەۋىنەن وتەتىن ادامدار مەن كولىك قۇرالدارىنىڭ قارقىنى وتە تومەن بولعاندىقتان، ولار 2010 جىلى جابىلعان. قازىر جۇمىس ىستەپ تۇرعان جەتى وتكىزۋ بەكەتىنەن جىلىنا 11 ميلليونداي ادام جانە 466 مىڭ كولىك قۇرالى وتۋدە. سونداي-اق 2018 جىلى اۆتوموبيل كولىگىمەن جۇك تاسىمالداۋ قازاقستان مەن قىرعىزستان اراسىندا 43 پايىزعا ارتىپ، 1,7 ملن تونناعا جەتكەن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى