قىركۇيەكتىڭ 26-سى اقان ساتاەۆ "توميريس" ءفيلمىنىڭ پرەمەرادان باسقا كورسەتىلىمدەرى قازاقشا بەرىلەتىنىن, 28 قىركۇيەكتە «تيترداعى قاتەگە» قاتىستى «2-3 كۇنگە كەشەۋىلدەيتىنىنە» كەشىرىم سۇراعان ەدى. ال 1 قازان قازاقشا دىبىستالعان سەناستارمەن سۇيىنشىلەپ جازبا جاريالادى. الەۋمەتتىك جەلى «توميريس» ءفيلمىنىڭ كوركەمدىك قۋاتىنان گورى، كورسەتىلىم كەستەسىنە ەنە تۇرا بەرىلمەي قالعان تىلدىك تۇيتكىلىن قىزۋ تالقىلاپ جاتىر. بۇگىن الماتىدا كەستە بويىنشا 261 سەانستىڭ تەك 8-ءى عانا قازاق تىلىندە كورسەتىلەدى دەپ جوسپارلانعان. ونىڭ وزىندە كەيبىر كينوتەاترلاردىڭ بيلەت ساتىپ الۋ تەتىگى جۇمىس جاساماي تۇر.
ەل تاعاتسىزدانا كۇتكەن «توميريس» تاريحي كارتيناسىنىڭ قازاق تىلدە كورسەتىلمەۋىنە بايلانىستى نارازىلىقتاردان كەيىن، رەجيسسەر اقان ساتاەۆ قازاقستاندىقتاردان كەشىرىم سۇراعان بولاتىن. سوندا ساتاەۆ «الداعى ەكى-ءۇش كۇندە» فيلم قازاق تىلىندە كينوتەاترلارعا جول تارتاتىنىن ايتقان.
26 قىركۇيەك رەجيسسەر اقان ساتاەۆ ءفيلمنىڭ ورىس تىلىندە بەرىلۋىنىڭ سەبەبىن: «116 ۇلت-ۇلىستى ەسكەرە وتىرىپ جاسالعان ورتاق شەشىم بولدى»، – دەپ تۇسىندىرگەن ەدى. سول كەزدە «كينوتەاتردا ەرتەڭنەن باستاپ قازاقشا نۇسقاسى بار تولىعىمەن، قازاقشا كورگىڭىز كەلسە قازاقشاسى بار» دەگەن باس رەجيسسەر ەكى كۇننەن سوڭ ينستاگرام جەلىسىندە لاتىنشا جازىلعان تيتردا قاتەلەر كەتكەنىن ايتىپ، اعىنان جارىلعان-تۇعىن.
كەشە، 1 قازان ساعات 13:00-دەر شاماسىندا ساتاەۆ ەل كوپتەن توسقان «ءتوميريستىڭ» قازاقشا سەانسىن سۇيىنشىلەپ جازبا جاريالادى. حابارلامادا «دوستار، بۇگىننەن باستاپ، «توميريس» ءفيلمىمىزدىڭ تولىق قازاقشا نۇسقاسىن ءبىزدىڭ "مەلومان" ديستريبيۋتور كومپانيامىز كينوتەاترلارعا تاراتا باستادى» دەلىنگەن. ارتىنشا kino.kz سايتىندا «سارىارقا» (13:30), «Kinopark 16 – Forum» (14:20) جانە «سارىارقا» (18:00) كينوتەاترلارىندا ازاماتتار ءۇشىن ىڭعايسىز ۋاقىتقا سەانستار جاريالانعان. ايتكەنمەن، قوعام بەلسەندىلەرىنىڭ سوزىنشە، كۇندىك 266 سەانستىڭ تەك 3-ەۋى عانا مەملەكەتتىك تىلدە «كورسەتىلەدى» دەپ جوسپارلانعانىنا قاراماستان، «بولۋى ىقتيمال» قازاقشا سەانستاردىڭ ەشبىرى ىسكە اسىرىلماعان.
جۋرناليست قاراشاش ەسەنباي مەملەكەتتىك تىلدەگى كورسەتىلىمى ماسەلەگە اينالعان «توميريس» تاريحي ءفيلمى «سارىارقا» كينوتەاترلارىندا ساعات 18:00-دە قازاقشا كورسەتىلەدى دەگەن حابارعا سەنىپ بارعانىن، دەگەنمەن وندا ەشقانداي سەانس بولماعانىن ايتادى. جاقسىنى كورمەككە الىپ ۇشىپ بارعان كورەرمەن:
– مەن ءتوميريستىڭ پرەمەرالىق كورسەتىلىمىنە بارا المادىم. سوندىقتان سۇيىكتى رەجيسسەرىم اقان ساتاەۆتىڭ كەزەكتى تۋىندىسىن كورگىم جانە قازاق تىلىندەگى نۇسقاسىنا بارعىم كەلدى.
"كينو شىعادى" دەگەن كۇنى جۋرناليست مارعۇلان اقان الەۋمەتتىك جەلىگە «قازاقشا كورسەتىلىمىنە بارۋشىلارعا تەگىن 3 بيلەت سىيلايمىن» دەگەندى جازدى. ونىڭ ءبىر بيلەتى ماعان بۇيىردى، ال مەن ونى چەللەنج رەتىندە جالعاستىرعىم كەلىپ، تاعى 3 ادامعا بيلەت الىپ بەرگەن ەدىم. ولار دا تاعى 3 ادامعا بيلەت سىيلايتىندارىن ايتتى. وسىلايشا مەملەكەتتىك ءتىلدىڭ كينويندۋسترياداعى مارتەبەسىنە از دا بولسا ۇلەس قوسقىمىز كەلدى.
سونىمەن الماتىداعى سارىارقا كينوتەاترىندا كەشكىلىك 18:00-دە قازاق تىلىندەگى ۆەرسياسى تۋرالى كينو.كز سايتىنان كورىپ، 17:30-دا باردىم. قازاق تىلىندەگى «توميريس» فيلمىنە بيلەت بەرۋىمدى سۇراعاندا كاسساداعى قىز جاريالانعان سەانستىڭ جوق ەكەنىن، مۇنىڭ سەبەبىن جارناماسى «ينتەرنەتكە سولاي كەتىپ قالعان» دەپ ءتۇسىندىردى. ونىڭ ايتۋىنشا، ازىرگە قاشان شىعاتىنى بەلگىسىز. «توميريس» «تەحنيكالىق سەبەپتەرگە» بايلانىستى قويىلمايتىن كورىنەدى. مەنىمەن قاتار قازاقشا سەانسقا كەلگەن كوپقارا كىسىنىڭ بيلەت جوقتىعىنا قىنجىلعانى، جۇزدەرىنەن اتتەگەن-ايى كورىنىپ تۇردى. سول جەردە جارتى ساعاتتاي وتىرىپ باقىلادىم. قازاقشانى سۇرادى، "جوق" دەگەن سوڭ ورىس تىلىندەگىسىنە امالسىز كىرىپ جاتتى. مەن كىرگەن جوقپىن، ويتكەنى مارعۇلان قازاق تىلىندەگى كورسەتىلىمگە بارۋىم ءۇشىن بيلەت بەردى عوي. سوندىقتان قازاقشاسى شىقسا، مىندەتتى تۇردە بارامىن، – دەيدى.
سونداي-اق، ول كينوعا بايكوت جاريالاۋدىڭ ورنىنا قازاق تىلىنە دەگەن سۇرانىستى كۇشەيتۋدىڭ وپتيميستىك جولدارىن قولعا العان جانە ونى قولداعان ءجون دەيدى.
2 قازانعا جوسپارلانعان كەستە بويىنشا ءبىر الماتىنىڭ وزىندە 261 سەانستىڭ تەك 8-ءى عانا قازاق تىلىندە كورسەتىلگەن. ونىڭ ءوزى تال تۇسكە قويىلعان: «Kinopark 16 Forum» ساعات 14:20-عا، «Kinoplexx Sary Arka» ساعات 13:30-عا، «Kinopark 11 (ەسەنتاي) IMAX» ساعات 13:10-عا. الايدا، kino.kz سايتىندا بۇگىنگە جوسپارلانعان قازاقشا سەناستاردىڭ بيلەتتەرىن ساتىپ الۋ تەتىگى جۇمىس جاساماي تۇر. دەمەك، كەستەدە بار، ساتىپ الۋ مۇمكىن ەمەس.
ءبىزدى تولعاندىرعان ماسەلە، كىم كىمدى الداپ ءجۇر نەمەسە ەلدىڭ نەگىزگى حالقىنىڭ حاق-تاڭداۋىنا قۇرمەتسىزدىك تانىتىپ، «ۇلتتىق الالاۋشىلىق» تۋدىرىپ وتىرعان كىمدەر؟ الدە، «قازاقفيلمنىڭ» ءباسپاسوز حاتشىسى باۋىرجان ۇسەنوۆ ايتقانداي : «اۋەلدە ورىسشا شىققان «جاۋ جۇرەك مىڭ بالانى» باق وكىلدەرىنەن ۇسىنىس تۇسكەننەن كەيىن كينوتەترلار مەملەكەتتىك تىلدە كورسەتكەن-تۇعىن. سوندىقتان دا بۇل قازاقتىلدى ازاماتتىق قوعام مەن مەملەكەتتىك ءتىلدى قاجەت ەتەتىن باق تالاپ-كۇشىمەن شەشىلە» مە؟
قازاق تاريحىنا قاتىستى فيلم قازاققا قازاق تىلىندە كورسەتىلۋى ايتىپ تالقىلاۋدى، جاعالاسىپ، داۋلاسۋدى قاجەت ەتپەيتىن قاعيدا ەمەس پە. ءتىپتى، وتاندىق كينو ءونىمىنىڭ مەملەكەتتىك تىلدە كورسەتىلۋى مەن كورسەتىلمەۋىن تالقىلاپ جۇرگەندە، فيلمدەگى جاڭا ۇرپاقتىڭ ساناسىنا اتا-باباسىن سونداي ءبىر قوراش ەتىپ كورسەتەتىن كەيبىر ورەسكەل تۇستارى ۇمىتىلىپ تا قاپ جاتىر.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
