وزبەكستان قاۋىپسىزدىك قىزمەتىنىڭ ەكس-باسشىسى 18 جىلعا سوتتالدى.

قىركۇيەك ايىنىڭ 27-ءى كۇنى وزبەكستان اسكەري سوتى مەملەكەتتىك قاۋىپسىزدىك قىزمەتىنىڭ بۇرىنعى باسشىسى يحتيەر ابدۋللاەۆتى 18 جىلعا باس بوستاندىعىنان ايىردى. وعان "قىلمىستىق توپ قۇردى", "پارا الدى", "وزبەكستاننىڭ مۇددەسىنە قايشى كەلىسىم جاسادى", "بوپسالادى", "بوتەننىڭ مۇلكىن جىمقىردى", "كەدەن زاڭناماسىن بۇزدى", "قىزمەتتىك وكىلەتىن اسىرا پايدالاندى" جانە وزگە دە ايىپتار تاعىلعان.

ابدۋللاەۆتان بولەك، 20-دان استام ەكس-شەنەۋنىككە ۇكىم شىقتى. ولاردىڭ ىشىندە باس پروكۋروردىڭ بۇرىنعى ورىنباسارى گايرات حيدوياتوۆ 5 جىلعا، مەملەكەتتىك قاۋىپسىزدىك قىزمەتى توراعاسىنىڭ بۇرىنعى ورىنباسارى جاحونگير يگاموۆ 16 جىلعا، مەملەكەتتىك قاۋىپسىزدىك قىزمەتى توراعاسىنىڭ كەڭەسشىسى الىشەر يشانحودجاەۆ 17 جىلعا، تاشكەنت قالاسى پروكۋرورىنىڭ بۇرىنعى ورىنباسارى يوركين ابدۋللاەۆ 14 جىلعا،  ادىلەت مينيسترلىگىنىڭ كادرلارمەن جۇمىس باسقارماسى توراعاسىنىڭ بۇرىنعى ورىنباسارى يوركين ابدۋللاەۆ 8 جىلعا سوتتالدى.

اقپان ايىندا باق بەتتەرىندە يحتيەر ابدۋللاەۆ دەنساۋلىعىنا بايلانىستى قىزمەتىنەن كەتتى دەگەن اقپارات تاراعان. كەيىننەن ونىڭ ورنىنا بۇرىنعى قورعانىس ءميرنيسترى ابدۋسالوم ازيزوۆ تاعايىندالعان.

"The Qazaq Times"