بۇگىن، 26 قىركۇيەك كۇنى الماتىداعى رەسپۋبليكا سارايىندا «توميريس» ءفيلمىنىڭ تۇساۋكەسەرى ءوتىپ جاتىر. تۇساۋكەسەردەن بۇرىن شىعارماشىلىق توپتىڭ قاتىسۋىمەن ءباسپاسوز جينالىسى ءوتتى. رەجيسسەر اقان ساتاەۆ پەن ءتۇسىرۋ توبىنىڭ جەتەكشىلەرى جانە باستى رولدەردى سومداعان اكتريسالارى ءباسپاسوز وكىلدەرىنىڭ سۇراقتارىنا جاۋاپ بەردى.
"توميريس" ءفيلمنىڭ تۇساۋكەسەر بريفينگى. 26 قىركۇيەك، 2019 جىل. الماتى ق. فوتو: QT
ءفيلمدى قر مادەنيەت مينيسترلىگىنىڭ تاپسىرماسىمەن، «قازاقفيلم» كينوستۋدياسى جانە «Sataifilm» كومپانياسى بىرلەسىپ تۇسىرگەن. العاشقى تۇساۋكەسەرى كەشە، 25 قىركۇيەك كۇنى ەلوردادا وتكەن بولاتىن. بۇگىن الماتىداعى كورەرمەندەرگە ۇسىنىلماق. ءفيلمنىڭ ستسەناري اۆتورلارى – فيلم يدەياسىن ۇسىنۋشى ءاليا نازارباەۆا مەن تيمۋر جاقسىلىقوۆ. قويۋشى رەجيسسەر اقان ساتاەۆ ستسەناريدە گەرودوتتىڭ تاريحي دەرەكتەرى نەگىز ەتىلگەنىن، تىلشىلەر سۇراعان ت.اسەمقۇلوۆ نۇسقاسىمەن تانىسپاعانىن ايتتى.
"توميريس" ءفيلمنىڭ تۇساۋكەسەر بريفينگى. 26 قىركۇيەك، 2019 جىل. الماتى ق. فوتو: QT
ءباسپاسوز جيىنىندا جۋرناليستەر 27 قىركۇيەك كۇنى جوسپارلانعان 38 سەناستىڭ بارلىعى ورىس تىلىندە بەرىلۋ سەبەبىن سۇراپ، مەملەكەتتىك تىلدە ۇگىتناسيحاتتىڭ ازدىعىن العا تارتتى. رەجيسسەردىڭ سوزىنشە بۇل "116عا تارتا ۇلتۇلىستاردىڭ جايىن ەسكەرىپ ويلاستىرىلعان ورتاق شەشىم". ال، "قازاقفيلم" ستۋدياسىنىڭ وكىلى "وتكەن جولى "جاۋ جۇرەك مىڭ بالا" كارتيناسىنىڭ كورسەتىلىمىندە دە وسىنداي ماسەلە كوتەرىلىپ، باق قوزعاۋ سالىپ قازاقشا بەرىلگەن بولاتىن" دەپ، جاۋاپكەرشىلىكتى ءتىل جاناشىرلارى مەن جۋرناليستەرگە ارتقانداي مەڭزەپ سويلەدى. "راسىندا دا، قازاق حالقىنىڭ تاريحى نەلىكتەن جەكە مەنشىك كينوتەاتر يەلەرىنىڭ كوزقاراسى نەگىزىندە مەملەكەتتىك تىلدە كورسەتىلمەۋى كەرەك؟ مۇنداي جاعداي تەك ءبىزدىڭ ەلدە عانا". وسىلايشا شامدانعان كەيبىر ازاماتتاردىڭ ءۋاجى كوپ سۇراقتىڭ ءبىرى بولىپ قالىڭ سوزگە ءسىڭىپ كەتتى.
"توميريس" ءفيلمنىڭ باس رەجيسسەرى قان ساتاەۆ. 26 قىركۇيەك، 2019 جىل. الماتى ق. فوتو: QT
"توميريس" ءفيلمنىڭ تۇساۋكەسەر بريفينگى. 26 قىركۇيەك، 2019 جىل. الماتى ق. فوتو: QT
"توميريس" ءفيلمنىڭ ءباسپاسوز بريفينگى. 26 قىركۇيەك، 2019 جىل. الماتى ق. فوتو: QT
"توميريس" تاريحي ءفيلمىنىڭ پوستەرى. 2019 جىل. فوتو: sataifilm.kz
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
VI Digital Almaty: مينيسترلىك فورۋمدى قازاقشا وتكىزۋگە ۋادە بەردى
ينتەللەكتۋالدى پوەتيكالىق دراما. «9 گرامم»
موڭعوليا استاناسىندا جاپپاي نارازىلىق شەرۋلەرى ءوتتى