قازاقستان مەن رەسەي پرەزيدەنتتەرى سوچيدە وتەتىن «ۆالداي» حالىقارالىق پىكىرسايىس كلۋبىنىڭ پلەنارلىق وتىرىسىنا قاتىسپاق.

رەسەي باسشىسىنىڭ ءباسپاسوز حاتشىسى دميتري پەسكوۆتىڭ حابارلاۋىنشا، قازاقستان پرەزيدەنتى قاسىم-جومارت توقاەۆ جيىندا ءسوز سويلەيدى.

«ۆالداي» حالىقارالىق پىكىرسايىس كلۋبىنىڭ وتىرىسى 30 قىركۇيەك پەن 3 قازان ارالىعىندا وتەدى. بيىلعى كەزدەسۋدىڭ تاقىرىبى – «شىعىس شاپاعاتى جانە الەمدىك ساياسي قۇرىلىم». پانەلدىك سەسسيا 3 قازاندا وتەدى، ونىڭ تاقىرىبى – «الەمدىك قۇرىلىم: شىعىستىڭ كوزقاراسى».

ايتا كەتەيىك، اتالعان پىكىرسايىس 2003 جىلدان بەرى حالىقارالىق ماسشتابتا ۇيىمداستىرىلىپ كەلەدى. ارنايى فورماتقا سايكەس، پلەنارلىق سەسسياعا قاتىسۋشىلار الدىمەن ءسوز سويلەيدى، سودان كەيىن ساراپشىلار مەن پىكىرسايىس مودەراتورىنىڭ سۇراقتارىنا جاۋاپ بەرەدى.

"The Qazaq Times"