قازاق جۋرناليستيكاسىنىڭ ىرگەسىن نىعايتقان بەلگىلى جۋرناليست، عالىم، جازۋشى، ۇستاز ءابىلفايىز ىدىرىسوۆ 12 قىركۇيەكتە 90-عا قاراعان شاعىندا دۇنيەدەن ءوتتى.
ءابىلفايىز ىدىرىسوۆ 1930 جىلى 23 اقپاندا قوستاناي وبلىسى امانگەلدى اۋدانى ەگىندىساي اۋىلىندا تۋعان. جازۋشى، جۋرناليست، پەداگوگ، تاريح عىلىمدارىنىڭ كانديداتى.
قازاق جۋرناليستيكاسىنىڭ ارداگەرى ءابىلفايىز ىدىرىسوۆ. فوتو: اشىق دەرەككوز
ەڭبەك جولىن «قازاقستان پيونەرى» گازەتىندە ادەبي قىزمەتكەر بولىپ باستاپ، باس رەداكتور قىزمەتىنە دەيىن كوتەرىلگەن. راديودا، رەسپۋبليكالىق باسىلىمداردا تىنىمسىز ەڭبەك ەتتى. ول 800-دەن استام پۋبليتسيستيكالىق ماقالالار، وچەركتەر، وقۋلىقتار، «قازاق جۋرناليستيكاسىنىڭ تاريحى»، «وچەرك جۋرناليستيكا جانرى رەتىندە»، «باسپا ونىمدەرىن اسەمدەۋ» تاعى باسقا دا پاندەر بويىنشا ادىستەمەلىك قۇرالدار ازىرلەدى. ءابىلفايىز ىدىرىسوۆ قازاق وقىرماندارىنا «تاڭشولپان» دەرەكتى رومانىنىڭ اۆتورى رەتىندە دە كەڭىنەن تانىمال جازۋشى.
ۇلتتىق ۋنيۆەرسيتەتتە ۇزاق جىل ەڭبەك ەتكەن كورنەكتى تۇلعالار جايلى جارىق كورگەن 51-كىتاپ ءا.ىدىرىسوۆ تۋرالى. فوتو: اشىق دەرەككوز.
ۇزاق جىلدار ءوزى تۇلەپ ۇشقان (1953 ج.) ءال-فارابي اتىنداعى قازۇۋ-دە قىزمەت ەتكەن. قازاق جۋرناليستيكاسىنىڭ ارداگەرى، پروفەسسور ءابىلفايىز ىدىرىسوۆ ءومىرىنىڭ جارتى عاسىرعا جۋىق ۋاقىتىن وسى جوعارى وقۋ ورنىنا ارنادى. ول پوليگرافيا ءىسى، گازەتتى بەزەندىرۋ جانە تۇرلەندىرۋ ونەرىنىڭ نەگىزىن سالىپ بەردى.
قازاق جۋرناليستيكاسىنىڭ ارداگەر ۇستازىنىڭ قازاسىنا بايلانىستى مارقۇمنىڭ وتباسىنا، تۋعان-تۋىستارىنا جانە بۇكىل قازاق جۇرتىنا قايعىرا وتىرىپ كوڭىل ايتامىز! مارقۇمنىڭ توپىراعى تورقا، مەكەنى جۇماق بولسىن!
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى