بيىل 20 ناۋرىزدان باستاپ 12 تامىزعا دەيىن سەنات توراعاسى لاۋازىمىندا بولعان داريعا نازارباەۆا بۇگىن قايتادان باس سپيكەر بولىپ تاعايىندالدى.
2016 جىلدىڭ 15 قىركۇيەگىندە ەكس-پرەزيدەنت جارلىعىمەن سەنات دەپۋتاتى ورنىنا كەلگەن نازارباەۆا توقاەۆتىڭ جارلىعىمەن تامىزدىڭ 12-ءسى باس سەناتورلىقتان بوساپ، سەنات دەپۋتاتى بولىپ قالعان ەدى. بۇگىن پرەزيدەنتتىڭ ۇسىنىمىن وقىعان ءپا باسشىسى ق.كوشەرباەۆتىڭ «داريعا كانديداتۋراسىن» دەپۋتاتتار قۇپيا داۋىس بەرۋ ارقىلى ءبىراۋىزدان ماقۇلداپ، سايلاعان.
زاڭ بويىنشا پارلامەنتتىڭ جوعارعى پالاتاسىن باسقاراتىن سپيكەر سايلاۋ وتكەنگە دەيىن اۆتوماتتى تۇردە ۋاقىتشا پرەزيدەنت اتاناتىنىن ەسكەرسەك، بۇل لاۋازىم پرەزيدەنتتىڭ ساياسي «ەرىك-جىگەرىنىڭ تاۋەلسىزدىگىن، دەربەستىك امبيتسياسىن ايقىندايتىن پارامەتر» دەيتىن ساراپشىلاردىڭ تامىزداعى اۋىس-تۇيىستەگى ءۇمىتى جاڭا شەشىممەن كۇمانعا اينالعانداي. توقاەۆتىڭ داريعاعا وتىز كۇندە ەكى جارلىق شىعارۋىندا نە سىر بار؟ ەل ىشىندە بۇل «تۇسىنىكسىز تاعايىنداۋدىڭ» ءارتۇرلى سىبىس-قاۋەسەتكە سەبەپ بولۋى ابدەن مۇمكىن.
سەنات توراعاسى داريعا نۇرسۇلتانقىزى اكەسى، ەكس-پرەزيدەنت نۇرسۇلتان نازارباەۆقا "قۇرمەتتى سەناتور" مەدالىن تاعۋدا. فوتو: اشىق دەرەككوز
نازارباەۆ پەن توقاەۆ. فوتو: elbasy.kz
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى