وزبەكستان پرەزيدەنتى شاۆكات ميرزيەەۆ پەن قىتاي باسشىسى شي جيڭپيڭ.

وزبەكستان مەن قىتاي بىرلەسكەن ينۆەستيتسيالىق قور قۇردى.

تامىز ايىنىڭ 27-ءى كۇنى وزبەكستان پرەمەر-ءمينيسترى ابدۋللا اريپوۆتىڭ قىتايعا جاساعان رەسمي ءىسساپارى بارىسىندا ينوۆاتسيا جانە سىرتقى ساۋدا مينيسترلىگى مەن ءسىتىس كورپاراتسياسى نەگىزگى كاپيتالى 1 ميلليارد دوللاردى قۇرايتىن بىرلەسكەن ينۆەستيتسيالىق قور قۇرۋعا ۋاعدالاستى. الدىن الا بولجام بويىنشا، قور قارجىسىنىڭ نەگىزگى بولىگى وزبەكستانداعى مۇناي-گاز، حيميا ءوندىرىسى سالالارىنا باعىتتالماق.

2016 جىلدىڭ جەلتوقسان ايىندا «Kazah Invest» كومپانياسى مەن «جىبەك جولى» قورى بىرلەسىپ قازاق-قىتاي ينۆەستيتسيالىق قورىن قۇرعان. ونىڭ باستاپقى كاپيتالى 2 ميلليارد دوللار بولعان. بۇدان بولەك قازاق-قىتاي قورى استانا حالىقارالىق قارجى ورتالىعىنىڭ 5 پايىز اكتسياسىن ساتىپ العان.

قىركۇيەك ايىنىڭ باسىندا پرەزيدەنت قاسىم-جومارت توقاەۆ قىتاي ەلىنە رەسمي ىسساپارمەن بارادى. ازىرگە ءىسساپار بارىسىندا قاي باعىتتا كەلىسسوزدەر جۇرگىزىلەتىنى بەلگىسىز. كەشە مەملەكەت باسشىسى قىتايدىڭ قازاقستانداعى ەلشىسى چجان سياونى قابىلداپ، اتالمىش ىسساپارعا بايلانىستى پىكىر الماستى.

"The Qazaq Times"