جۋرناليستەر بايقاۋىنا شىعارمالار قابىلداۋ ءجۇرىپ جاتىر

جۋرناليستەر كۇنى قارساڭىندا جاريالانعان ءدىن سالاسىنداعى وزەكتى ماسەلەلەر تۋرالى بىرنەشە نوميناتسيالار بويىنشا ۇزدىك ماتەريالدار بايقاۋىنا شىعارمالار قابىلداۋ ءالى دە جالعاسىپ جاتىر. بۇل بايقاۋدىڭ ءبىر ەرەكشەلىگى، وعان تەك جۋرناليستەر عانا ەمەس، ءدىن تاقىرىبىنا قالام تەربەپ جۇرگەن عالىمدار مەن كوسەمسوزگەرلەر دە قاتىسا الادى.

بايقاۋدى الماتى قالاسى قوعامدىق دامۋ باسقارماسىنىڭ قولداۋىمەن 2019 جىلدىڭ 1 مامىرى مەن 1 قازانى ارالىعىندا ۇلتتىق جۋرناليستىك زەرتتەۋ ورتالىعى ۇيىمداستىرىپ وتىر. جەڭىمپازداردى ماراپاتتاۋ 18 قازان – قر رۋحاني كەلىسىم كۇنى مەرەكەسى قارساڭىندا الماتى قالاسىندا وتەدى. بايقاۋ جەڭىمپازدارى باعالى سىيلىقتارمەن ماراپاتتالادى.

بايقاۋدىڭ ماقساتى:

- قازاقستان رەسپۋبليكاسى جۇرتشىلىعىنىڭ نازارىن ءدىن سالاسىنداعى مەملەكەتتىك ساياساتتىڭ وزەكتى ماسەلەلەرىنە اۋدارۋ.

- بۇقارالىق اقپارات قۇرالدارى، ياعني جۋرناليستەر ارقىلى تۇرعىنداردى مەملەكەتتىك ساياساتتىڭ ءدىن سالاسىنداعى ءار ءتۇرلى باعىتتارى، قوعامداعى كونفەسسياارالىق كەلىسىمنىڭ نىعايتىلۋى جانە ساقتالۋىنا باعىتتالعان ماڭىزدى ءىس-شارالار جونىندە حاباردار ەتۋ.

- ءدىن سالاسىنداعى وزەكتى ماسەلەلەر بويىنشا ماتەريالداردى جاريالايتىن باق مەن جۋرناليستەردى قولداۋ.

بايقاۋ نوميناتسيالارى:

ءدىني ەكسترمەميزمنىڭ الدىن الۋعا بايلانىستى بايقاۋ كەلەسى نوميناتسيالار بويىنشا جۇرگىزىلەدى:

• ەڭ ۇزدىك تەلەۆيزيا جانرى;
• ەڭ ۇزدىك راديو جانر;
• مەرزىمدى باسپاسوزدەگى قازاق تىلىندەگى ەڭ ۇزدىك پۋبليتسيستيكالىق ماقالا;
• مەرزىمدى باسپاسوزدەگى ورىس تىلىندەگى ەڭ ۇزدىك پۋبليتسيستيكالىق ماقالا;
• ينتەرنەت-رەسۋرستاعى قازاق تىلىندەگى ەڭ ۇزدىك ماقالا;
• ينتەرنەت-رەسۋرستاعى ورىس تىلىندەگى ەڭ ۇزدىك ماقالا;
• الەۋمەتتىك جەلىدەگى ەڭ بەلسەندى قوعامدىق توپ;
• ينتەرنەت جەلىسىندەگى ەڭ ۇزدىك بەينەروليك;
• ەڭ بەلسەندى بلوگەر;
• ەڭ ۇزدىك فوتورەپورتاج.

جەڭىمپازداردى بارلىق نوميناتسيالار بويىنشا باعالى سىيلىقتارمەن ماراپاتتاۋ، سونىمەن قاتار 5 (بەس) ىنتالاندىرۋ سىيلىعى;

بايقاۋ شارتتارى:

الماتى قالاسىندا تىركەلگەن نەمەسە تىلشىلەر قوسىنى بار باق-تاعى كەز كەلگەن جۋرناليست، سونداي-اق عالىم، كوسەمسوزگەر، قالامگەر قاتىسا الادى. باق باسشىلىعىنىڭ رۇقساتى تالاپ ەتىلمەيدى. بايقاۋ ەكى تىلدە وتەدى.

بايقاۋعا 2019 جىلدىڭ 1 مامىرىنان باستاپ 1 قازان ارالىعىندا جاريالانعان ماتەريالدار قابىلدانادى.

باستى قويىلاتىن تالاپ – قازاقستاننىڭ زايىرلى مەملەكەتتىك قۇرىلىمىن قاراپايىم ءارى ۇعىنىقتى تىلمەن ءتۇسىندىرۋ، مەملەكەتتىك ساياساتتىڭ زاڭنامالىق تالاپتارىن ۇعىندىرۋ، ءدىن اتىن جامىلعان ەكسترەميستىك اعىمداردى اشكەرەلەۋ، ءداستۇر مەن ءدىننىڭ ءوزارا بايلانىسىن جەتكىزۋ، ءدىني ەكسترەميزمنىڭ الدىن الۋ، تەرىس ءدىني توپتاردىڭ يدەولوگياسى مەن ولاردىڭ زياندىعىن اشىپ كورسەتۋ.

قاندايدا ءبىر ءدىني ۇستانىمدى نەمەسە ءدىندى ناسيحاتتاۋعا باعىتتالعان ماتەريالدار قابىلدانبايدى.

بايقاۋعا قاتىسۋشىلار ۇيىمداستىرۋ كوميتەتىنىڭ uzhzo2005@mail.ru ەلەكتروندى پوشتاسىنا (بايلانىس تەلەفونى: 87775654078) مىناداي ماتەريالداردى جىبەرۋى ءتيىس:

1). اۆتور تۋرالى ماعلۇمات /تۋعان جەرى، كۇنى، ايى، جىلى، تەلەفون/;

2). بايقاۋ ماتەريالى جاريالانعان باق-تىڭ pdf-نۇسقاسى نەمەسە سكرينشوتى، پورتال-سايتتاعى ماتەريالدىڭ سكرينشوتى نەمەسە ەلەكتروندى سىلتەمەسى (بار بولعان جاعدايدا), تەلە-راديو باعدارلامالاردىڭ mp4-نۇسقاسى نەمەسە ەلەكتروندى سىلتەمەسى (بار بولعان جاعدايدا);

3). اۆتور ءار نوميناتسياعا 1 نەمەسە 2 ماتەريال ۇسىنا الادى;

4). ءبىر اۆتور بىرنەشە نوميناتسياعا قاتىسا الادى;

5). بارلىق ماتەريالدا بايقاۋدىڭ قانداي نوميناتسياسىنا ۇسىنىلاتىنى تۋرالى اقپارات بولۋى مىندەتتى. نوميناتسياسى كورسەتىلمەگەن ماتەريال بايقاۋعا جىبەرىلمەيدى.

بايقاۋ كەزەڭدەرى:

1. بايقاۋعا قاتىسۋشىلاردان ماتەريالداردى قابىلداۋ (1 قازانعا دەيىن);
2. ماتەريالداردى ساراپتاۋ جانە جەڭىمپازداردى انىقتاۋ (1-10 قازان ارالىعى);
3. بايقاۋ جەڭىمپازدارىن سالتاناتتى ماراپاتتاۋ (رۋحاني كەلىسىم كۇنى قارساڭى).

بايقاۋ جەڭىمپازدارىن ماراپاتتاۋ:

بايقاۋدى ۇيىمداستىرۋ كوميتەتى جۇرگىزىپ، جەڭىمپازداردى 5 نەمەسە 7 ادامنان تۇراتىن قازىلار القاسى تاڭدايدى. القا بايقاۋ ماراپاتى باستالعانشا قۇپيا تۇردە ساقتالادى. بايقاۋعا ۇسىنىلعان ماتەريالدار قايتارىلمايدى. بايقاۋ جەڭىمپازدارى ارنايى نوميناتسيالار بويىنشا تاعايىندالعان اقشالاي جۇلدەلەرمەن جانە ارنايى ديپلومدارمەن ماراپاتتالادى.

ۇيىمداستىرۋ كوميتەتى

87775654078

"The Qazaq Times"