تۇركيانى س-400 داۋىنا بايلانىستى ناتو-دان شىعارا ما؟
ناتو باس حاتشىسى يەنس ستولەنبەرگ تۇركيانىڭ رەسەيدەن س-400 اۋە قورعانىس جۇيەسىن ساتىپ الۋىنا بايلانىستى مالىمدەمە جاسادى. وندا ول انكارا ارسەنالىنداعى س-400 جۇيەسىن ناتو اۋماعىندا پايدالانۋ مۇمكىن ەمەستىگىن ايتا كەلە تۇركيانى ناتو قۇرامىنان شىعارۋ جونىندە ءسوز قوزعادى.
«تۇركيا ناتو-نىڭ ماڭىزدى مۇشەلەرىنىڭ ءبىرى. بىردە-ءبىر ەل وسى ۋاقىتقا دەيىن انكارانى وداقان شىعارۋ جونىندە ءسوز ايتقان جوق. سەبەبى ءبىز ءبىر-بىرىمىزگە تاۋەلدى ەكەنىمىزدى جاقسى تۇسىنەمىز. تۇركيانىڭ ناتو قۇرامىندا بولۋى F-35 نەمەسە س-400 ماسەلەسىمەن ولشەنبەيدى» - دەپ مالىمدەدى ستولەنبەرگ.
ەستەرىڭىزگە سالايىق، تۇركيا 2017 جىلى رەسەيمەن جالپى قۇنى 2,5 ميلليارد دوللاردى قۇرايتىن ساۋدا كەلىسىمىنە قول قويعان. كەلىسىم بويىنشا، ماسكەۋ انكاراعا س-400 اۋە قورعانىس جۇيەسىن جەتكىزۋى ءتيىس بولعان. كەيىننەن اقش تۇركيانىڭ بۇل شەشىمىنە قارسى شىققان. رەسمي ۋاشينگتون انكارانى س-400-دەن باس تارتىپ، اقش-تىڭ «Potriot» جۇيەسىن ساتىپ الۋعا ۇسىنىس جاساعان. ويتپەگەن جاعدايدا تۇركيانى F-35 ۇشاق جوباسىنان شەتتەتەتىنىن مالىمدەگەن. اق ءۇيدىڭ بۇل مالىمدەمەسىنە تۇركيا پرەزيدەنتى رەجەپ تايىپ ەردوعان «س-400 كەلىسىمى تۇركيا تاريحىنداعى ماڭىزدى شەشىمدەردىڭ ءبىرى» دەپ جاۋاپ قاتقان.
رەسەي س-400-ءدىڭ العاشقى لەگىن تۇركيا اۋماعىنا شىلدە ايىنىڭ 12-ءى كۇنى جەتكىزگەن.
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى
تارازداعى قاندى قاڭتار: پروكۋرور قاڭتارشىلارعا بەرىلگەن جازانى قاتاڭداتۋدى سۇرادى