فوتو: http://ult.kz

بيىلدان باستاپ ۇلتتىق ۋنيۆەرسيتەت رەكتورلارىن پرەزيدەنت تاعايىندامايتىن بولدى. 

الداعى ۋاقىتتا ۇلتتىق ۋنيۆەرسيتەتتەردىڭ رەكتورلارى كونكۋرستىق نەگىزدە تاعايىندالماق. بۇل جونىندە مەملەكەت باسشىسى قاسىم-جومارت توقاەۆ تۆيتتەردەگى جەكە پاراقشاسىندا جازدى. وسىعان دەيىن ۇلتتىق ساناتتاعى جوعارى وقۋ ورىندارىنىڭ رەكتورلارىن پرەزيدەنت سايلايتىن.

پرەزيدەنت جازباسىندا: «قر ءبىلىم جانە عىلىم ءمينيسترى ايدىن ايماعامبەتوۆكە ۇلتتىق ۋنيۆەرسيتەتتەردىڭ رەكتورلارىن كونكۋرستىق نەگىزدە ۇكىمەتتىڭ قاۋلىسىمەن تاعايىنداۋ جونىندە نورماتيۆتىك قۇجاتتار ازىرلەۋدى تاپسىردىم. قازىرگى رەكتورلاردى پرەزيدەنتتىڭ جارلىعىمەن تاعايىنداۋ پروتسەدۋراسى كۇشىن جويادى»، – دەدى.

"The Qazaq Times"